Испишана историја во Белград, нов светски рекорд во скок со стап

Арманд Дуплантис ќе го памети настапот во Белград цел живот, ама и Сергеј Бубка кој повеќе не е на тронот.

Шведскиот атлетичар Арманд Дуплантис на митингот во Белград го урна светскиот рекорд во дисциплината скок со стап, со што испиша нова страница во историјата на атлетиката.

Како олимписки и европски шампион, тој во повеќе наврати се обидуваше да ја прескокне границата која ја постави пред две години и конечно стигна до нов светски подвиг од 6.19 метри.

Сопствениот рекорд од Глазгов го сруши за еден сантиметар, а со тоа ги надмина сите рекорди на легендарниот Украинец, Сергеј Бубка.

Дуплантис има само 22 години, а зад себе веќе има два златни медали освоени на Олимпијада и Европско првенство, како и сребро на Светско. 

„Долго се обидував да ја надминам границата и пресреќен сум што успеав во тоа. Обично не ги вежбам највисоките скокови, но само една работа ми беше во глава откако дојдов тука. Сакав да поставам нов рекорд во Белград и ја поместив границата. Имам чувство дека можам многу повеќе и дека можам да скокнам и повисоко. Ова е само почеток“, изјави шведскиот атлетичар.

8 март 2022 - 08:17

Штета ако сте пропуштиле

Јапонски е да платиш за да се исплачеш

Малку ви е, телиња, малку

Кравата глупа ли е што не дава 0,5?

За да може да те гаси, Европа прво ќе те запали