Екипите на Рамстор и ЕЛЕМ ги поделија бодовите
Рамстор 4-4(3-2) ЕЛЕМ
Рамстор: Ведат Арслан1’ 16’ Фуркан Муртези 16’ Зеко Ковачи 36’
ЕЛЕМ: Димче Димитријески 11’ Синиша Ковачевиќ 19’ Антонио Ничевски 28’ Диме Милевски 32’
Двaнасеттото коло од Бизнис Лигата на Македонија го отворија екипите на Рамстор и ЕЛЕМ.
И двете екипи одлучија во овој натпревар да влезат со голман-играч што им донесе отворен фудбал со кој успеваа да остварат играч плус во нападот. Во првото полувреме екипата на Рамстор успеа да наметне високо темпо на игра кое ЕЛЕМ не можеше да го контролира и со вакво темпо успеа да оствари резултатска предност од 3-2 со која отиде на полувремето. Во второто полувреме екипата на ЕЛЕМ ги консолидира своите редови и со нешто поконтролирана игра успеа да направи резултатски баланс и влезе во егал завршница во која на крајот екипите ги поделија бодовите со конечни 4-4.
Дуото Божикови ја донесоа победата на Фабрика Карпош во дуелот со Сава Осигурување
Фабрика Карпош 4-2(1-0) Сава Осигурување
Фабрика Карпош: Александар Божиков 14’ 26’ 29’ Георги Божиков 36’
Сава Осигурување: Коста Глигуровски 36’ Стефан Димитровски 38’
Фабрика Карпош во дуелот со Сава Осигурување влезе мошне мотивирано и имаше целосен акцент на играта во нападот. Екипата на Сава Осигурување во првото полувреме играше цврсто во одбраната па не му дозволи на противникот кој имаше одлична игра во нападот да направи резултатска предност. Фабрика Карпош во 14та минута преку Божиков успеа да постигна погодок за 1-0 на полувремето. Во второто полувреме се играше поотворен фудбал во кој и на двете страни преку одлично изработени акции се доаѓаше до отворени шанси за гол. Екипата на Фабрика Карпош успеа да ја зголеми предноста стекната во првото полувреме додека пак Сава Осигурување немаше доволно сили за пресврт па го загуби овој натпревар со 4-2.
