Македонија се падна во групата Б каде што во Хернинг ќе се соочи против селекциите на Данска, Португалија и Романија.
Данска важи за една од најмоќните репрезентации во светот, која на четири Мундијали по ред е на тронот.
Со Португалија која ни се падна од вториот шешир, имаме натпревари, но за сега ниту една победа. Романците се наш стар познаник и селекција со која можеме да се носиме рамноправно.
Македонија своите натпревари ќе ги игра на 16, 18 и 20 јануари во салата „Јуске Банк Боксен“ во Хернинг.
Отвораме против Данска, во второ коло играме со Романија и на крај против Португалија.
Во втората групна фаза одат првите две од секоја група и таа ќе се игра во Малме.
Бранител на тронот е Франција која во последното финале ја совлада Данска, а третопласирана беше Шведска.
Нашиот национален тим го продолжи континуитетот и се пласира на 15-то големо натпреварување во низа или вкупно 18-то.
