Не е само Донарума голманиште со 17 години

Албан Лафон е роден на 23. јануари 1999. година во главниот град на Буркина Фасо, Уагадугу. Откако се преселил во Франција почнал да игра фудбал во аматерскиот тим АС Латои како полушпиц но набрзо го ставиле на гол. Во 2014-та стана член на Тулуз а сезонава е еден од подобрите голмани во француската Лига 1.

Досега настапуваше за Франција У16, У17 и У18. Ништо чудно ако брзо го викнат за У21 и за сениорскиот тим. Лафон лани бранеше на 32 меча и на 8 не прими ниту еден гол со што го спаси Тулуз од испаѓање. Како награда за тоа доби договор до 2020 година.

Лафон стана и рекордер како најмлад играч во историјата на француската лига кој настапи со 16 години и 310 дена и го сруши рекордот на стариот Микаел Ландро. За Лафон веќе покажале интерес Арсен Венгер и Челси, но Тулуз нема намера да се откаже од него уште неколку сезони.