Кире Лазаров е најдобар десен бек во светот

Специјализираниот портал за ракомет „Хендбол планет“ ги објави резултатите од гласањето за најдобрите во 2014 година, а капитенот на македонската ракометна репрезентација влезе во најдобриот тим за изминатава година.

Лазаров ја задржа првата позиција за најдобар десен бек во светот во конкуренција на Ласло Наѓ од Веспрем кој заврши втор, потоа Марко Вујин од Кил кој остана трет, а последен е членот на Металург, Ренато Вугринец.

Признанието за најдобар ракометар во светот за 2014 година отиде во рацете на Никола Карабатиќ, кој имаше одлични партии во дресот на Барселона и кој со селекцијата на Франција годинава го освои Европското првенство.

За време на тринеделното гласање во изборот учествуваа вкупно 171.052 посетители на сајтот, како и 23 новинари од Европа, Азија и ЈУжна Америка.

Oва е четврта година по ред како Handball-planet организира избор за најдобар ракометар на светот. Во 2011. година, за најдобар играч беше избран Ласло Наѓ, следната година титулата ја понесе Чехот Филип Јиха, додека минатата година за најдобар играч беше прогласен Хрватот Домагој Дувњак.