Со полни 36 години и 10 години стаж на Бернабеу, Лука Модриќ стигна до трофеј број 17 во дресот на Реал Мадрид.
За него годините се само бројка. Топката во среден ред ја држи во сеф, пасовите му се како да имаат очи, а ако го оставиш сам на линијата на шеснаесет како синоќа, нема бранење.
Хрватскиот ас го отвори резултат на мајсторски начин во 38-та минута, по што Бензема во вториот дел реализираше пенал за конечни 2:0.
Наградата за играч на мечот отиде заслужено во неговите раце, кој вели дека на сега ужива во фудбалот повеќе од било кога.
„Многу се зборува за годините, а јас сега уживам во фудбалот повеќе од било кога. Тоа е така бидејќи не знаеш до кога ќе трае ова убаво чувство и до кога ќе бидам на ова ниво. Правам напор за да истрајам повеќе години, за мене нема подобро место од Реал Мадрид“, изјави Модриќ
Тој стана најстар стрелец во историјата на Суперкупот на Шпанија и се очекува да го продолжи договорот до 2023-та.
With his goal against Athletic Bilbao, Luka Modric (36 Years 129 Days) became the oldest goalscorer in the history of Supercopa. 🇭🇷 🙌#modric #RealMadrid #Supercopa pic.twitter.com/feUgZZycFi
— Sportskeeda Football (@skworldfootball) January 16, 2022
Потегот после 0:20
