Фудбалерите на Арсенал и Лестер 86 минути се мачеа да постигнат гол пред четири дена и на еден навивач на Топџиите му дојде преку глава и си го извади телефонот за да најде друга занимација. Тој што седеше над него го сликна, го твитна, а потоа уследија 2.200 ретвитови. Овој навивач беше единствениот кој виде “гол“ пред Лестер да си постигне автогол.
Дека ракометарите на Вардар ја имаат најдобрата поддршка во Европа веќе одамна не е тајна, но по синоќешните „грмотевици“ во салата „Јане Сандански“, европската ракометна федерација посебно ги предупреди жителите на градот каде на 3. и 4. јуни ќе се игра Фајнал форот да си купат тампони за уши.
Откако го даде победничкиот гол во ел Класико, Меси го прослави така што соблече дресот и го крена во вис. Синоќа неговиот гест го повторија навивачите на Барса на мечот против Осасуна каде Меси даде 2 гола (7-1).
За време на Ел Класико на Бернабеу секогаш имало навивачи на Барса по сите сектори, а ние ги приметуваме кога режијата ќе ги улови со дрес или шал. Овојпат беа многу повеќе и тоа по места резервирани за сезонци на Реал со сезонски билет кои решиле да заработат.
Навивачките групи од цел свет може да се тегнат на тема: клуб, религија, вера, бои, политичка определба и слично. Но во едно се единствени - Аргентинците од Сан Лоренцо ги имаат најубавите преработки на песни. Овојпат ја фатија Wonderwal од Oasis.
Стипе Перица е младински репрезентативец на Хрватска кој ја игра првата сезона за Удинезе. Готово, со овој потег тој веќе ги купи навивачите кои нема да го остават на раат кога ќе се шета низ град.
После цели 18 години, славниот Феенорд од Ротердам е на одличен пат повторно да стане шампион. Навивачите кои од 99-та чекаат на трофејот, еуфорично ги пречекаа своите миленици по враќањето од Арнхејм каде го победија Витезе.
Што е тоа што го нема на трибините во Англија, а е белег на фудбалот во Италија? Убавите кореографии. Без разлика дали сте на стадионот на Јувентус или Салернитана, страствените италијански навивачи знаат во секој град да приредат спектакл кој нема шанси да не го извадите телефонот од џеб за да го овековечите со по некоја фотка. За оваа сезона направија листа од топ 10.
Синоќа додека нивниот омилен клуб Манчестер играше против Андерлехт во Лига Европа, над нигериски навивачи на Јунајтед страдале откако врз нив паднал електричен кабел со висок напон.
Најмладиот тим во завршницата на Лига Европа направи неверојатен подвиг откако со играч помалку во продолженијата му даде два гола на Шалке на гости и се пласираше во првото полуфинале после 97-ма година. Момците дојдени од Амстердам прикладно го прославија пласманот со хит на Боб Марли.
Сцена за театарска претстава: Во маалски кафич градското дерби Интер - Милан го гледа и старо и младо. Кога Колумбиецот погоди за 2-2 се чекаше неколку секунди да се види дали е гол. А тие секунди за нив значат цела вечност.
Омразата кон градскиот ривал и неговите навивачи знае да биде голема, но она што го направија навивачите на Брондби на градското дерби против Копенхаген ја носи бизарноста до друго ниво. Не ги гаѓаа противничките фудбалери со „вообичаени“ предмети, туку од трибините фрлаа мртви стаорци кои редарите мораа да ги собираат за да се изведе корнер.
Конечно дочекаа во клубот да влезе свеж капитал кој им дава надеж за подобро утре и враќање на старата слава. Бодот против Интер освоен во 97’ минута го прославија на феномален начин.
Откако кинеска компанија ги купи мнозинството акции на Милан нов главен оперативец на клубот стана Марко Фасоне, а досегашната алфа и омега Галијани заминува од клубот после 31 година. Навивачите на денешното дерби со Интер го испратија со парола: „Заврши и Кондоровиот лет, сега и ти си слободен играч“, алудирајќи така на праксата на Галијани да купува слободни фудбалери со сомнителен квалитет.
Стотици навивачи на Олимпик Лион влегоа на теренот и го одложија стартот на мечот против Бешикташ. Француските хулигани дивееле и на трибините каде нападнале гостинска публика меѓу кои имало и семејства со деца. Наводно сè започнало откако група навивачи на Бешикташ фрлала бакљи и петарди врз домашните симпатизери на долната трибина.
Фудбалерите на Лестер вечерва го играат првото четвртфинале во ЛШ во историјата на клубот, а во Мадрид се разбира ќе имаат и поддршка од своите навивачи. Тие па денеска се од среќни посреќни. Се качија во воз и начекаа гратис гориво пред натпревар. Кој знае која ќе им биде последна станица.
Ако се прашувате како доаѓа до збратимување на две навивачки групи како што се Комитите со оние на Шалке или со Војводи од Тетово, еве одличен пример од вчерашната ноќ во Лигата на шампионите по која фановите на Борусија и Монако дефинитивно ќе станат пријатели.
Јунајтед со 0:3 го победи Сандерленд а во моментите на тотална доминација на нивниот тим, навивачите на Манчестер можеа да си приуштат цел репертоар на стари и нови песни, па една од нив беше и за легендарниот Диего Форлан. Кога се сети дека нема Диего во тимот, Жозе Мурињо го праша Карик за кој Диего пејат?
Според информациите на белградските медиуми, неколку навивачи на Црвена звезда купиле карти за јужната трибина на стадионот на Партизан кој попладнево го пречека тимот на Радник и тргнале кон торбата во која стојат знамињата на Гробарите. Кога домаќините ги осуетиле „непоканетите“ гости и тргнале кон нив, надвор ги пречекале околу 200 Делии и судирот започнал.
Навивачите во шведскиот фудбал стриктно се држат до навивачкиот кодекс: носат црни шушкавци, јакни и капи, а често палат пиротехника или влегуваат во судир со ривалските групи со фантомки на глава.
На осум кола до крајот на сезоната во Бундеслигата, Мајнц е на 15-та позиција со 29 бода исто колку што има Аугзубрг кој е во зона за изпаѓање. За довчерашниот клуб на Николче наш ова е доста невообичаена ситуација, па стигна засилување од трибина, што е исто така невообичаено за првата германска лига.
Мечот меѓу Борусија Дортмунд и Шалке е познат како големо дерби во Германија, а тоа го знае и довчерашен фудбалер на Барселона кој одлучи да и пружи рака на една храбра навивачка.