Од нападите на Русија во Украина се згрозени многу навивачки групи. Меѓу нив и навивачите на Легија Варшава и Висла Краков, кои веројатно никогаш претходно немале согласност за нешто друго. Грмеа во еден глас против Путин на големото полско дерби.

Стефан Ристовски и Аријан Адеми синоќа ја завршија европската авантура со Динамо Загреб, кој беше кус за еден гол, вреден продолженија против Севиља. На трибината на хрватските навивачите можеше да се слушне и види поддршка за Украинците.

Фенербахче синоќа и гостуваше на Славија Прага во меч од Конференциската лига, но некои твитерџии тврдат дека видеово не е од вчера и дека е старо. Како и да е, пораката е јасна.

Навивачите на Атлетико Мадрид синоќа беа во топ форма, а пред дуелот со Манчестер Јунајтед ноќта ја претворија во празник за уживање. Да не знае човек дали е поубаво на стадион или надвор кога пристигнуваа фудбалерите. Феноменална атмосфера. Мислиш веќе ја освоиле ЛШ.

Пролетните температури во февруари не може да изненадат толку, колку што може еден ваков изум како замена за наочари. Него успеал ли некој да го сликне и од напред?

Други погледи имаат во Јужна Америка кон фудбалот, а на бабава не и се јасни некои работи околу прославата на голови. Тешко на дедото дома со ваква.

Иако 1:0 не е никаква гаранција особено не против Реал, сепак победа е победа, а Лига на шампиони е празник кој треба да знаеш да го славиш. Навивачите на ПСЖ знаат и беа во страшна еуфорија на крај.

Мухамед Мухамед е познат бегалец во Германија, навивач на Шалке. Тој одвреме-навреме на трибините во германската втора Бундеслига носи големи кригли пиво на глава, ги забавува присутните и така сака да го сврти вниманието на јавноста кон проблемот за бегалците. Шалке водеше на полувреме 0-1 но на крај изгуби 2-1. Дарко Чурлинов влезе во игра во 61’ минута.

Се сеќавате ли на големиот банер „Гранде Пандев“ со слика од легендата во дрес на македонската репрезентација? Епа викендов беше закачен на Енио Тардини.

Навивачите на Нотингем Форест во голем стил ја прославија големата победа над Блекбурн на гости 0:2 со што уште повеќе се доближија до место кое води во плејофот за пласман во Премиер лига. Пар ликови земале звучник со нив и трешти “I just can’t get enough“ на сред Ивуд Парк во Блекбурн.

Веќе неколку години режисерите на преносите намерно ги игнорираат падобранците кои скокаат на терен, за да не им се даде внимание дека прават нешто добро. Оној од кој објавивме снимка, легнат и соборен како добива непотребни удари од редар, претходно правел шоу на терен и успеал да им избега на петмина редари.

Еурофарм Пелистер го совлада Партизан во СЕХА лигата со 25:23, а најголеми лузери на мечот беа домашните навивачи со непотребно и глупаво скандирање, без претходна провокација од страна на Чкембари.

Нотингем Форест, некогашниот славен клуб кој со децении игра во втора и трета англиска лига, сезонава прави големи резултати во ФА Купот. Во неделата со 4-1 го прегазија силниот Лестер и се пласираа во осминафинале. Но мечот се најде на сите насловни страни ширум Европа откако еден навивач на „лисиците“ влезе во терен и физички ги нападна домашните играчи. Се вмеша и обезбедувањето па настана хаос.

Гостувањата во Баскија не се жешки само на терен. Погледнете ја оваа куса снимка на која може да се зебележи каков пречек им приредија навивачите на Атлетик Билбао на гостите од Мадрид.

Како во старите добри времиња по навивачите на Селтик, овој клуб го разби вечниот ривал Ренџерс со 3-0 и ја презеде лидерската позиција на табелата со 57 бода, 1 повеќе од Ренџерс кој има 56. Келтите го нокаутираа ривалот уште во првиот дел со три гола од кои два паднаа во рок од неколку секунди од 42 до 44 минута.

По разните перипетии дали ќе оди во Барселона или во Саудиска Арабија, на крајот Столе Димитриевски остана таму каде што му е најубаво. Рајо Ваљекано, клуб од предградието на Мадрид, игра историска сезона и освен што блеска во Примера, стигна и до полуфинале на шпанскиот Копа дел Реј.

Некогашниот шампион на Шпанија и екипа која доминираше во Лига на шампиони против многу гиганти, Депортиво Ла Коруња одамна не може да се пронајде. Сега се први во трета лига и на добар пат да се вратат во сегунда. На нивниот меч против Замора на гости, во 90’ минута Алберт Киљес постигнал гол за победа, па навивачите се спуштија надолу по трибината да прослават гол, ама оградата на тој дел од стадионот „Рута де ла Плата“ попушти.

Во англискиот фудбал сезонава имаше неколку епизоди во кои гледач на трибините доживува срцев удар или паѓа во несвест, па само благодарение на брзи интервенции на лекарските служби и прибраните присутни, се избегнуваа немили сцени.

Кошаркарите на Работнички доживеаа дебакл каков што не се памети во историјата на клубот. Загубија од Феникс со неверојатни 51 поен разлика. Навивачите се бесни и излегоа со дрско соопштение, а на влезот на општина Центар закачија транспарент.

Осминафиналниот натпревар во Купот на Африкански нации меѓу Камерун и Коморски Острови се одигра како ништо да не се случило, а тоа хорор со жртви и еден куп повредени.

Синоќа во Милано беше фудбалски празник. Ги гледаш снимките и не ти е јасно дали клупскиот автобус оди на стадион за утакмица или се враќа после освоена Лига на шампиони.

И покрај отсуствата на Мане и Салах кои се ангажирани во Африканскиот Куп на нации, Ливерпул повторно победи со 3 постигнати гола, овој пат на гостувањето против Кристал Палас. Почекајте ме тука момци да ја залиеме победата. 

Тоа што кај нас е роденденска честитка, Ана од Бразил сериозно си го сфати. Издржа јуначки еден век и нешто ситно и се одјави. На колку? Па на 101 година. И тоа до последно одеше на стадион. Царица.

Важеа за аутсајдери, а стигнаа до втората групна фаза и моментално се со фантастичен скор од три победи и еден пораз од Данска. Големата победа над фаворитот Хрватска се славеше во снежна идила со знамиња, песни, колони од возила, свирежи, бакљи...Во транс се Црногорците.