За време на натпреварот Динамо Загреб - Шкупи во рамки на 2. квалификациско коло за Лига на шампиони, гостинските навивачи на „Максимир“ мавтаа со знаме на терористичката ОВК.

Можеше да се стрпиш до полувреме, да му се сневиди.

Ла Бомбонера е најкултен стадион на светот. Атмосферата која што таму ја прават навивачите на Бока е приказна за себе. Но стадионот очигледно е веќе дотраен и му треба реновирање, ако не и целосна реконструкција. На толку грмотевици трибините веќе не издржуваат.

Македонскиот вицешампион Академија Пандев убедливо со 4-1 изгуби од полска Лехија Гдањск во првото коло од квалификациите за Лига Конференции и е на прагот од рано испаѓање и елиминација од еврокупови.

Најтрофејниот италијански клуб го доби првото големо засилување ова лето. Во Торино слета Анхел Ди Марија од ПСЖ како слободен играч за годишна плата од 7 милиони евра. Навивачите беа во транс кога пристигна аргентинската звезда. Следен е Погба.

Олимпија Љубљана веќе неколку години не може да го најде правиот пат до успехот. Менуваат управи, тренери, сопственици и пак ништо. Сега после само три месеци откако го доведоа, решија да го избркаат легендарниот Роберт Просинечки и на негово место за нов тренер да го постават Шпанецот Алберт Риера кој на времето играше во Ливерпул.

РК Вардар нема никаква реакција до јавноста за егзодусот кој му се случи на европска сцена, па како и во сите претходни тешки мигови за клубот, со свој став се изјаснуваат нивните најверни навивачи. Прстот го вперуваат на две страни.

Скопје на почетокот на овој месец беше сведок на фешта каква што до сега не направила ниту една друга навивачка група. За 35 години од формирањето на Комити, 75 години Вардар и 5 години од освојувањето на ЛШ, реката Вардар светеше со 500 факели од мостот Близнак во Хром до Ново Лисиче.

Мундијалот во Катар, прв во овој дел од светот и прв во историјата кој ќе се игра во ноември поради огромните температури преку лето, ќе биде чуден за многу навивачи кои ќе допатуваат да ги бодрат своите земји.

Во големото дерби од туниската лига меѓу Есперанс Тунис и Клуб Африкан, домаќините победија 3-1 и се први на табела. Домашните навивачи направија атмосфера својствена само за Тунис, Мароко и Египет.

Да не ги сретне човек овие страшила преку ден, а па навечер никако.

Можеби прво ќе ви избега погледот кај тие двајцата во црно кои имаат обид за тепачка на ограда. Баталете ги, не успеаа ни еднаш да се погодат. Дилемата ни е следна: Што е со тој глупиот со црното капче, што јаде боксови во тил и упорно не се врти да врати?

На стадионот Пантесалико во Волос, пред околу 16.000 навивачи Грција го победи Косово со 2-0 и како прва на табела пред време се пласираше во погорна дивизија за следното издание на Лига Нации. Околу стотина Косовари дошле да ја бодрат нивната селекција, а грчките навивачи ги нападнале пред почеток на мечот.

Легендарниот клуб од петтиот најголем град во Италија конечно се враќа на голема врата. По големите падови и финансиски колапс низ годиниве, Палермо синоќа ја совлада Падова 1-0 на реваншот од плејофот и по триумфот со ист резултат на првиот меч, со вкупни 2-0 се пласираше во Серија Б.

Во еден пријатен, релаксиран меч во 3. коло од Лига Нации, Црна Гора и Босна и Херцеговина одиграа 1:1 и си поделија по бод. Гостите поведоа, домаќините израмнија а хит на мечот беше прозивката на домашните навивачи до гостинските. Поради фактот што Босанците признаваат само бурек со месо и никаков друг, Црногорците ги зафркаваа.

На стадионот на кој пред неколку недели се одигра финалето на Лига Конференции во Тирана меѓу Рома и Феенорд, синоќа албанските навивачи истакнале парола која што се поврзува со терористичката ОВК и мапа на тн. „голема Албанија“.

Натпреварот Австрија - Данска одигран синоќа во Виена имаше интересни епизоди. Навивачите искористија момент што нема струја на стадионот па правеа бранови со светла од телефоните на класична музика.

Неколку убави причини имаа навивачите на Вардар за голема прослава во саботата вечер. Се славеше 35-годишнина од основање на групата Комити, 75-ти роденден на Вардар, 15-та титула во ракометното првенство и 5-години од најголемиот успех во историјата на ова спортско друштво - првата европска шампионска титула во ракомет.

Финалето на јадранската АБА лига за првпат после 9 години ги спои вечните белградски ривали. Од една страна Партизан, од друга страна Црвена Звезда. Влогот? Богата Евролига за победникот. Звезда како првопласирана ги играше првите два меча дома и поведе 2-0 пред своите навивачи.

Во шпанската Примера од следната сезона ќе играат и Алмерија и Ваљадолид, тим чиј сопственик е легендарниот Бразилец Роналдо и тим кој сосема неочекувано доби шанса и ја искористи.

Италијанскиот тренер влезе во историјата. Стана легенда како прв тренер кој освоил дури 4 шампионски титули во Лига на шампиони (две со Милан и две со Реал Мадрид), а има и два пехари со Милан како играч. На „кралскиот клуб“ му донесе шампионски трофеј и во Ла Лига па прославата на „Сантијаго Бернабеу“ беше потполна.

Во Франција од почетокот на сезонава 2021/2022 немаше коло кое помина без нереди. А кругот со навивачки хирови го затворија навивачите на трофејниот и еден од најстарите клубови, Сент Етјен.

Фудбалскиот клуб Ливерпул излезе со соопштение во кое топката за големиот хаос пред финалето на Лига на шампиони со Реал Мадрид во Париз, ја префрла кон организаторот. А не се запрашаа како нивни навивачи без карти прескокнуваа бариери и огради и направија џумбус.