- Голема врева се крена откако на дуелот Бенфика - Реал Мадрид кој заврши 0-1 со голот на Винисиус, Бразилецот пријави кај главниот судија дека бил навреден на расистичка основа од противничкиот фудбалер Џанлука Престијани.
- Судијата го прекина дуелот на неколку минути а сега УЕФА соопшти дека отвора истрага во врска со целиот случај.
- Винисиус е редовна мета на навивачки испади, а често поради провокативен однос е навредуван на противничките стадиони. Во Шпанија речиси и да нема стадион на кој тој не бил навредуван.
- Откако во 2018-та дојде во Европа, Винисиус бил учесник во 20 расистички скандали. Во Валенсија дури се случи и преседан во обвинителството па тројца навивачи на Валенсија беа осудени на 8-месечни затворски казни и им беше одредена забрана за влез на стадиони во времетраење од 2 години, пишува Ел Графико.
- Ракометните федерации на Македонија, Србија и Словенија подготвуваат заедничка кандидатура за организација на Европското првенство во машка сениорска конкуренција во 2034 година.
- Ова беше потврдено на Собранието на Ракометниот сојуз на Србија, каде претседателот Божидар Ѓурковиќ откри дека веќе се одржани неколку состаноци меѓу претставниците на трите федерации и дека е постигнат начелен договор за заеднички настап во трката за домаќинство.
- Според предложениот план, шампионатот би се играл во трите земји, при што во секоја од нив би се организирале по две групи од првата фаза. Србија би била домаќин на завршниот викенд и натпреварите за медали.
- После 11 извозени трки во Формула 1 сега е летна пауза. Патувачкиот циркус продолжува од 21 до 23 август во Холандија.
- Во генералниот пласман во моментов води најголемото изненадување на сезоната, младиот 19-годишен Италијанец Кими Антонели од Мерцедес со 219 поени.
- Втор е Луис Хамилтон од Ферари кој го подигна нивото и формата и досега собра 169 бода па активно ќе се бори за титулата. Трет е Џорџ Расел од Мерцедес со 160 поени а четврти Шарл Леклер од Ферари со 138 освоени бодови.
