- По крајот на сезоните во Прва и Втора македонска фудбалска лига познато е речиси се, освен едно прашање. Тоа е кој ќе биде последниот учесник во Прва лига од следната сезона?
- Бараж за опстанок ќе играат најтрофејниот македонски клуб Вардар и Детонит Плачковица која ќе игра за прв историски пласман во ПМФЛ. Баражот ќе се игра следниот викенд односно на 26-ти мај во недела од 17:00 часот.
- Натпреварот е закажан да се игра на стадионот „Благој Истатов“ во Струмица каде што би требало да има навивачи на двата клуба. ФФМ ги разгледувал кандидатурите за домаќинство на овој бараж на Охрид и Штип но на крај се решиле за Струмица.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
