Offside › Набрзинка

Тргнал на фудбал со 86 капи со УЧК и 65 маички со ликот на Агим Рамадани

13 октомври 2025

Многу работа и се отвори на полицијата по повод натпреварот меѓу Србија и Албанија, кој заврши со триумф на гостите од 0:1.
Албански навивач е уапсен на граница со роба, мислиш отишол тезга да отвара пред стадион.
Со себе носел пет торби со 22 маички, 244 знамиња, 86 капи со натпис УЧК, 65 маички со ликот на поранешниот командант на ОВК Агим Рамадани, 58 шалови со албанскиот грб, како и 92 капи.

Со рафали од пиштол пред толпа луѓе ја славеше победата на Албанија

Победата на Албанија над Србија се славеше во Тетово, Куманово, Скопје

извор

Битка за пехарот во Купот на Македонија: Шкендија или Силекс?

20 мај 2026

Фудбалерите на Шкендија Тетово и Силекс од Кратово вечерва од 20:00 часот на „Градски стадион“ во Скопје ќе се судрат во финалето на Купот на Македонија.
Силекс ќе се обиде да стигне до пехар после долги години а во таа намера може да му помогне и отсуството на двајца стандардни и важни фудбалери на Тетовци, Бесарт Ибраими и Роналдо Вебстер. Едниот е повреден, другиот суспендиран.
Шкендија сезонава има две победи (2-0 и 2-1) против Силекс а една меѓусебна средба заврши нерешено 1-1. Силекс како некогашен шампион на Македонија има и три трофеи во Купот, во 1994, 1997 и 2001-ва година. Шкендија славеше во Купот во 2016 и 2018-та.
Се очекува присуство на навивачки групи и на двете екипи.

извор

Ристовски: Прославата на спортските успеси треба да биде убав гест, а не навреда

20 мај 2026

Министерството за спорт секогаш ќе стои на страната на принципите и на вистинските спортски вредности коишто еден спортист, спортски работник, селектор, спортски директор или секој еден човек кој е директно или индиректно поврзан со спортот, треба да ги промовира. Ако сакаме да имаме поздраво општество треба сите да работиме на тоа, истакна министерот за спорт Борко Ристовски во емисијата „Директно“ на ТВ Телма во која повод беше непримерната прослава на шампионската титула на ФК Вардар.
На темите поставени од водителот Младен Чадиковски, министерот Ристовски меѓу другото рече:
„Ние како Минисетрство за спорт и ФФМ го осудуваме овој настан за во иднина да не се повтори или да се намалува бројот на ваквите инциденти. А, одговорноста на сите мора да биде уште поголема, особено кога тие претставуваат одредена институција и треба да бидат пример. Прославувањето на секој успех, секоја титула и целата таа еуфорија,треба да биде еден убав гест. Да се надеваме дека во иднина ќе нема или ќе има многу помалку вакви немили сцени“, посочи Ристовски.

извор