Offside › Набрзинка

Суспензија за младиот кошаркар на Љуботен, делегатот најмногу настрада

9 октомври 2025

Комесарот за натпреварување при КФМ ги изрече казните за инцидентот на мечот меѓу екипите на Љуботен и Тетекс за играчи до 14 години.
Напаѓачот Павловски доби суспензија од четири натпревари поради удирање противнички играч меѓу нозе, а Љуботен треба да плати парична казна од 20 илјади денари.
Суспендирани се и судиите Ников и Стојчевски поради несанкционирање на прекршокот и непостапување во согласност со своите должност и службените кошаркарски правила за игра.
Најмногу настрада делегатот на натпреварот кој е суспендиран на шест месеци поради „неприкажување на точната фактичка состојба во делегатскиот извештај, како и „ненаведување на инцидентот во делегатскиот извештај“.

14 годишен кошаркар клоцна противник меѓу нозе

извор

Се разделија Нагелсман и ДФБ, Германија ќе ја води познат шмекер

3 јули 2026

По новиот дебакл на германската фудбалска репрезентација која после два Мундијали на кои испаѓаше во групи сега се посрамоти и во 1/16 финале испадна од Парагвај, очекувано селекторот Нагелсман си оди.
Германскиот фудбалски сојуз (DFB) во состав претседател Бернд Нојндорф (64), шефот на Бундеслига Јоаким Вацке (67), спортскиот директор Руди Фелер (66) и генералниот секретар на Федерацијата Андреас Ретиг (63) објави дека го раскинува договорот со 38-годишниот тренер кој беше селектор од септември 2023-та. Под негово водство Германија стигна до 1/4 финале на Евро 2024 и испадна од Светско 2026 во 1/16 финале.
Германската фудбалска федерација на барање на целокупната тамошна јавност почнува преговори со Јирген Клоп (59) кој би требал да стане нов селектор на Националмајншафт.
„Неколку дена по нашето испаѓање, многу размислував и се советував со луѓето од доверба, како лично така и во федерацијата. Оваа одлука не беше лесна за мене. Мој главен приоритет секогаш бил успех на репрезентацијата. После такво горко разочарување, тие заслужуваат шанса да почнат се од почеток. Сакам да му се заблагодарам на својот стручен штаб и сите во федерацијата кои не поддржуваа нас, посебно играчите со кои имав чест да работам.

Посебна благодарност и до навивачите. Вие не поддржувавте, верувавте во нас, ни дававте енергија во тешки времиња. Искрено ми е жал што ве разочаравме и не ви подаривме незаборавни фудбалски ноќи на ова Светско првенство. Вие заслужувате повеќе“, рекол Нагелсман по разделбата со федерацијата.

извор

Матановиќ: Почувствував мал допир со топката по коса

3 јули 2026

Со влезот во второ полувреме, Игор Матановиќ ја освежи играта на хрватската фудбалска репрезентација против Португалија, но на крајот, токму неговиот минимален допир со топката во 13-та минута од судиското продолжение беше причината голот на Гвардиола да биде поништен.
Што се случи во таа последна ситуација од натпреварот? Дали ја допревте топката? Што рече судијата?
„Искрено, мислам дека почувствував мал допир со топката на косата, а потоа го прашав судијата што е тоа. Не бев 100% сигурен дали ја допрев. Тој рече нешто како да имале чип во топката и дека виделе дека имало контакт, а потоа било офсајд и тоа е тоа.