- По кошаркарскиот натпревар меѓу КК Сплит и КК Партизан во рамки на АБА лигата, тројца симпатизери на белградскиот клуб биле нападнати од непознати напаѓачи пред салата. Тие биле без обележја и дошле да го гледаат натпреварот.
- Според изјави на сведоците кои виделе кога дошло возило на Брза помош, еден навивач имал крвава глава и пружена му е лекарска помош, пишува хрватскиот портал 24 часа.
- „Можеме да потврдиме како по кошаркарскиот натпревар на Грипе во близина на салата од страна на група млади лица нападнати се три српски државјани кои биле на натпреварот. Лицата не биле најавени во полиција како службени лица или навивачи на гостинскиот клуб, така што избегнале надзор и осигурување на полицијаа. Две лица се повредени и им се укажува помош. Спроведуваме криминалистичко истражување“, соопштила сплитската полиција.
- Светскиот рекет број 1 Јаник Синер денес преку видео порака на своите налози објави дека ја завршува сезоната предвреме. Причина за тоа е желбата да се опорави во целост од повредите.
- „Јас, заедно со лекарите решивме дека ми е потребен третман на коленото што значи дека сезоната 2026 е официјално завршена. Последните неколку години особено завршницата во Торино ми дадоа толку многу убави чувства и емоции кои годинава ќе бидат поинакви.
- Но во моментов размислувам и за мојата долгорочна кариера. Ќе направам се што е можно да се вратам 100% подготовен. Ви благодарам однапред за вашата поддршка и се надевам дека ќе ве видам многу, многу скоро пак на теренот“, рече Синер.
- Италијанецот сезонава доминираше и освои дури пет Мастерси во низа: Индијан Велс, Мајами, Монте Карло, Рим и Мадрид. Освои и Гренд слем титула на Вимблдон, а поради повреда изгуби од Серундоло на Ролан Гарос во Париз.
- Беира Салифоска, позната како Беки, уште еднаш покажа дека со упорност, поддршка и силна волја можат да се поместуваат личните граници. Заедно со својот асистент, таа успешно ги истрча сите 21 километар на Wizz Air Скопскиот маратон.
- Беира е лице со целосно оштетен вид од раѓање, а нејзиниот настап на полумаратонската дистанца претставува голем личен подвиг. Пред неколку години таа веќе беше дел од Скопскиот маратон, кога успешно ја заврши трката на 5 километри. Овојпат предизвикот беше повеќе од четирипати подолг.
- „21 километар храброст, сила и инспирација! „Горди сме на тебе, Беира! Ти си вистинска инспирација“, објавија од Државното училиште за деца и младинци со оштетен вид „Димитар Влахов“ – Скопје.
