Offside › Набрзинка

По 1,1 милион долари за секој репрезентативец на Саудиска Арабија за пласман на Светско првенство

21 октомври 2025

Саудијскиот фудбал оди во нагорна линија. Тамошната лига веќе има голем број доскорешни светски ѕвезди на фудбалот, а и репрезентацијата на оваа земја бележи сјајни резултати.
Саудиска Арабија веќе обезбеди пласман на Мундијалот 2026 во САД, Мексико и Канада, па министерот за спорт, принцот Абдулазиз Турки Ал Фаисал донел одлука на секој фудбалер и на секој член на стручниот штаб да им се даде по 1,150,000 евра. Притоа фудбалерите добиле ветување дека ќе добијат врвни подготовки, услови и специјална логистичка поддршка за време на спремањето за Светското.
„Ова не е само награда за минатото, туку и подстрек за иднина. Фудбалот во Саудиска Арабија се игра со голем жар, а Светското првенство е визија на една нова епоха“, рекол министерот за спорт.
Саудиска Арабија до сега шест пати била учесник на големите Светски првенства а во 1994-та година стигнаа дури до осминафинале. Во 2022 во Катар направија светско чудо откако ја совладаа Аргентина на Лионел Меси која подоцна стана светски првак.

извор

Загина млад фудбалер на Тетекс

12 септември 2026

ФК Тетекс утрово информираше дека Даниел Николовски го загубил животот во сообраќајна несреќа која се случила во текот на ноќта.
Тетовскиот клуб ја потврди тажната вест за прераното заминување на 21 годишниот играч, кој беше нераскинлив дел од екипата.
Николовски ги имаше поминато сите младински категории на Тетекс, по што својата кариера и верност кон клупските бои ја продолжи настапувајќи и за сениорскиот тим.

извор

Познат капитенот на Аргентина после Меси

11 септември 2026

Прашање на време беше кога најголемиот на сите времиња според многумина, ќе ја соопшти тажната вест дека се пензионира од репрезентативниот фудбал. Лионел Меси пред неколку недели и официјално се прости од репрезентативниот дрес на Аргентина и сега ќе ни биде тешко да се навикнеме на „гаучосите“ без магичната 10-ка.
Меси преку официјално соопштение изјави дека се повлекува од репрезентацијата. Тој во 2022 ја носеше Аргентина до толку сонуваната титула Светски шампион.
Во ситуација кога во репрезентативна пензија летово замина и стоперот Никлас Отаменди кој му беше заменик-капитен на Меси, сега капитенската лента ќе ја носи досегашниот трет заменик капитен, стоперот Кристијан „Кути“ Ромеро кој летово од Тотенхем премина во Атлетико Мадрид.

извор