- Манчестер Јунајтед стапил во контакт со Киран Мекена, Ирецот којшто на чудесен начин го внесе Ипсвич Таун во Премиер лига од втора лига.
- Киран Мекена уште од рана возраст се интересирал за разни тактички замисли и сакал да биде тренер. Рано завршил со играчка кариера поради повреди, па решил да учи за тренер.
- Пред шест-седум години тој бил дел од младинскиот систем на Манчестер Јунајтед, водел една млада генерација фудбалери, му бил и помошник на Оле Гунар Солскјер, а потоа бил тренер и на младинците на Тотенхем. Сезонава го одбил Кристал Палас на сред сезона да го замени Рој Хоџсон, решил да остане во Ипсвич и сензационално како втор на табела директно го внесе во Премиер лига.
- За Мекена бил заинтересиран и Брајтон во случај Де Ѕерби да замине во некој поголем клуб.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
