- Лидерот на табелата во македонскиот фудбал ФК Вардар соопшти дека го продолжил договорот со својот најдобар фудбалер Роџерс Мато до декември 2026-та година. Спроед договорот одличниот напаѓач ќе заработува 100.000 евра годишно, а откупната клаузула за него е зголемена од 500.000 на 800.000 евра колку што треба да даде секој клуб кој е заинтересиран за Мато.
- Најдобриот фудбалер во Првата македонска фудбалска лига (ПМФЛ) Роџерс Мато (23) од ФК Вардар ќе игра на Африканскиот Куп на нации, најголемиот спортски настан на црниот континент кој почнува на 21 декември. Роџерс Мато игра за Уганда.
- Крилниот напаѓач кој игра и како класичен центарфор сезонава има 15 гола на 17 натпревари и две асистенции. Тој ја почнал кариерата во својата родна земја во клубот Пролине. Потоа играл во Турција за нисколигашот Шанлиурфарспор од каде дојде во струмичка Брера. За Вардар потпиша на 29 јануари 2025-та година и оттогаш е најдобар фудбалер на скопскиот клуб.
- Предводниците на Шкендија уште еднаш го допреа дното, откако со срамна фотографија го најавија дербито со Вардар, закажано за в сабота во Гостивар, преку која го навредија противникот, ФФМ, но пред сè сите христијани во Македонија.
- Според теолозите, ваквата презентација на светиот христијански симбол е огромна навреда, особено кога доаѓа од претставници на друга религија.
- Објавувањето на превртен крст со цел да се навреди христијанството е строго забрането според самото исламско учење. Но, навредувачите од тетовскиот тим не знаат дека со ваквото омаловажување на крстот како верски симбол истовремено направиле и грев во својата исламска вера, пишува Спорт1.
- Селекторот на македонската репрезентација, Кирил Лазаров, го објави поширокиот список од 35 ракометари кои ќе конкурираат за настап на почетокот од квалификациите за Европското првенство во 2028 година.
- Од оваа група, стручниот штаб дополнително ќе избере 16 ракометари кои ќе ги одиграат двата воведни натпревари. Првиот квалификациски дуел е закажан за 4 ноември (19 часот), кога Македонија ќе го пречека Луксембург, додека четири дена подоцна (8 ноември во 16 часот) нашиот национален тим ќе гостува кај Грција во градот Халкида.
- Прв повик доби натурализираниот Украинец, кој настапува за Пик Сегед Дмитро Хориха, како и Мартин Томовски кој брани одлично за Битигхајм. Сите други ракометари се од домашното првенство.
