Offside › Набрзинка

Артета за Чоло Симеоне: „На него се угледувам, учам од него, иако не го знам лично“

21 октомври 2025

Вечерва на „Емирати“ во Лондон од 21 часот се игра дербито на колото во Лига на шампиони. Арсенал го пречекува Атлетико Мадрид во прв нивен меѓусебен дуел после 2018-та година кога шпанскиот гигант беше подобар во двомечот од полуфиналето на Лига Европа.
Тренерот на Арсенал Микел Артета за неговиот вечерашен ривал Диего Симеоне вели:
„Постои некој на кого се угледувам, учам од него од многу ситуации и она што е вонсериски е неговата страст. Мислам за тоа колку долго е во фудбалот и на клупата на ист клб, со исти играчи. Мора да се носите со тоа и да имате капацитет да ја пренесете енергијата и желбата за победа. Многу е тешко опкружувањето во кое што сме, треба да ги убедуваш играчите да бидат добри секој ден. Симеоне не го познавам лично, но се што сум слушнал за него е дека е многу добар во се. Затоа и трае толку долго на ова ниво.
Ако така добро работи во Лига на шампиони која е најголемо натпреварување во Европа, тогаш може каде било. Морате да дојдете овде (во Премиер лига) и да го почуствувате тоа. Сигурен сум дека знае што и како би работел овде, неговиот карактер и борбена волја ќе го однесе секаде“.

извор

„Немаме обврска да му додаваме на Роналдо“

22 јуни 2026

Кристијано Роналдо е опседнат со целта наречена 1.000 голови и општо со потребата да даде гол на секој натпревар, посебно на Светско после хет-трик на Меси. Задача да се правда и да го правда него на оваа тема на прес доби Франсиско Консеисао.
„Немаме никаква обврска или потреба да му ја додаваме топката. Кристијано е пример поради гладот што го покажува секој ден, како да му е последен натпревар“.
„Јас ја додавам топката на оној кој мислам дека е во поповолна позиција во тој момент. Не е дека имам време да размислувам кој е соиграчот до мене. Мислам дека сè правиме по инстинкт. И секако, Кристијано е тука да помогне, исто како и секој друг играч во националниот тим.“, вели 23 годишниот Консеисао, син на познатиот Серџо Консеисао кој играше за Португалија на СП 2002.

Анри: „Не е работата ти да дадеш гол“

извор

Селекторот на Иран: „Ниту еден од 47 селектори не праша како ни е“

21 јуни 2026

Репрезентацијата на Иран на Светското првенство 2026 се соочи со неправичен однос од САД чии надлежни власти не им дозволија да бидат сместни во САД туку мораат од Мексико да патуваат по неколку часа со авион, да одиграат натпревар и веднаш без одложување да ги напуштат САД после дуелите.
Сега во пресрет на дуелот со Белгија, втор за Иранците на Мундијалот по ремито 2-2 со Нов Зеланд, нивниот селектор Амир Халенои зборувал отворено за се.
„Имаме многу проблеми особено надвор од теренот. „Им поставив прашање на 47 селектори и никој од нив не ми одговори“. Запрашан дали добиле поддршка од другите селекции, селекторот на Иран рекол: „Не, не видов такво нешто. Немаше никаква реакција од некого. Но се чини дека почесниот селектор на Белгија (Руди Гарсија) рекол (на прес-конференција) дека тука сме за политика а не за фудбал.. Дојдовме многу подоцна од сите, ни требаа две недели да се адаптираме на новото место. И на сите наши раководни лица и новинари им беше забрането да не следат. Тоа го подрива духот на фудбалот. Таквиот однос не е соодветен со Светско првенство.
И покрај се, благодарен сум на иранскиот народ, играме за нив. Знам дека ваков однос причини голема болка на нашиот народ. Ние сме угнетена земја и се надевам дека ќе постигнеме мир а не нешто создадено вештачки“.

извор