Сјајна вечер со трипл-дабл учиноци за Лука Дончиќ и Јокиќ

Кошаркарите на Далас Маверикс ја совладаа Атланта Хокс 103:94. Мавси до нов триумф ги водеше лидерот Дончиќ со 18 поени, 11 асистенции и 10 скока за 28 минути на паркетот. Лука рано влезе во проблем со фаули па се пазеше во текот на поголемиот дел од мечот.

Со оваа победа Далас сега е на 5. место на Западот со учинок од 31 победа и 23 порази. Атланта од друга страна е на последното место кое води во плеј-ин фазата каде за пласман во плејофот ќе им треба победа.

Jalen Brunson & Luka Doncic overcame foul trouble to power the @dallasmavs to victory! #MFFL @luka7doncic: 18 PTS, 10 REB, 11 AST@jalenbrunson1: 22 PTS, 5 REB, 5 AST, 4 3PM pic.twitter.com/xT59NeiLvY
— NBA (@NBA) February 7, 2022

Српскиот репрезентивец Никола Јокиќ го запиша 14. трипл-дабл сезонава по што е кошаркар со најмногу вакви остварувања во лигата. Ова беше севкупно 71. трипл-дабл на Србинот откако е во НБА.

Јокиќ со 27 поени, 12 скока и 10 асистенции синоќа беше главен творец на победата на Денвер Нагетс над Бруклин 124-102 и на тој начин Нагетси ја прекинаа непријатната серија од три порази по ред.