Атланта беше во водство во текот на целото прво полувреме, но Орландо се разбуди во вториот дел. Предводени од Афало, кошаркарите на Орландо Меџик направија пресврт и на крајот триумфираа со 92:109.
Со оваа победа Орландо ја прекина серијата од 17 порази на гостински терен, како и 11 порази во дуелите со Атланта.
За разлика од минатиот натпревар, Перо Антиќ го наостри шутот и постигна една тројка од единствениот обид, а реализираше и три од четирите слободни фрлања за вкупно шест поени за 6:42 минути игра. За ова време минато на паркетот тој имаше и една блокада.
Хорфорд и Тиг со по 15 поени беа најефикасни кај Атланта, а најдобар на натпреварот беше Афало кој постигна 26 поени.
Во четврток во 2 часот по македонско време Атланта госува во Хјустон.
Атланта - Орландо 92:109
Торонто – Бруклин 100:102
Вашингтон – ЛА Лејкерс 116:111
Њу Орлеанс – Голден Стејт 101:102
