Регуларниот дел во најдобрата светска кошаркарска лига започнува во втората половина на октомври, а завршува на 15. април, период во кој треба да се одиграат 1.233 средби.
Освен тексашкото дерби во кое Спарси го пречекуваат Новицки со Далас, во премиерната вечер од сезоната 2013/2014 ќе се сретнат уште и Хјустон – Л.А. Лејкерс и Њу Орлеанс – Орландо.
Поранешниот македонски репрезентативец и прв македонец во еден НБА ростер, Перо Антиќ, по гостувањето во Канада, второто коло ќе го игра на домашен терен, против Индијана Пејсерс, екипа која лани ги елиминираше Хоукси од Плејофот.
По враќањето на Леброн во Кливленд, многумина со нетрпение очекуваат да го видат во дуел против Мајами, средба закажана за 25. декември, во „Американ Ејрлајнс Арената“ во Мајами. Божиќното коло ќе го обележи и дербито меѓу Спарс и Оклахома, екипи кои се сметаат за фаворитит за титулата.
Навивачите во Кливленд ќе имаат прилика да го поздрават „Кралот“ на 30. октомври, кога во нивниот град ќе гостуваат Њујорк Никс и Кармело Ентони, а ние со најголем ќеиф ќе го следиме Перо наш кој имаше одлична деби сезона во НБА и стигна до плеофот.
За целиот распоред клик тука.
