Информацијата дека НБА ќе дозволи марихуана ја пренесе добро информираниот новинар Адријан Војнаровски, така што може да се заклучи дека одлуката е речиси готова.
Синдикатот на НБА играчи (NBPA) го потврди твитот на Војнаровски дека лигата веќе нема да има спонтани и неочекувани тестови за марихуана врз играчите и тренерите и дека фактички добиваат дозвола да ја користат.
Но не е се уште прецизирано што и како ќе произлегува од одлуката, затоа што нема сите супстанци да бидат дозволени. Супстанците кои ќе ги подобруваат перформансите на играчите, како и други наркотици, и натаму ќе бидат на листата забранети супстанци во НБА.
Players won’t be subject to random tests for marijuana this season, according to @NBPA memo shared w/ players and obtained by ESPN. That’s been adjusted policy thru Orlando restart and 2020-‘21 season. Testing continues for “drugs of abuse and performance enhancing substances.”
— Adrian Wojnarowski (@wojespn) October 6, 2021
Целата дилема беше околу тоа дали марихуаната ги подобрува настапите.
NBA spokesman Mike Bass:
— Tim Reynolds (@ByTimReynolds) October 6, 2021
“We have agreed with the NBPA to extend the suspension of random testing for marijuana for the 2021-22 season and focus our random testing program on performance-enhancing products and drugs of abuse.”
Комесарот на НБА лигата, Адам Силвер во декември лани изјави дека одлуката на лигата за привремено стопирање на изненадните тестови на марихуана кај играчите е донесена во време на пик на пандемија со цел да се надмине стресот кај кошаркарите.
„Одлучивме така поради сите работи што се случуваа во општеството, сиот притисок и стрес под кои беа играчите, поради тоа што не треба да реагираме како Големиот Брат сега. Мислам дека погледите на јавноста околу марихуаната се сменија до едно одредено ниво“, изјави Силвер кој сега ја пролонгира одлуката играчите да не се тестираат на марихуана во сезонава 2021/2022.
Лигата најверојатно и натаму ќе има тестови само за кошаркарите кои би покажале знаци на проблематична зависност, а не на оние кои користат повремено и спонтано.
Треба да се напомене и дека Микеле Робертс, првиот човек на Здружението на НБА играчи (NBPA) во меѓувреме станал член на бордот директори на компанијата Cresco Labs која се занимава со производство и продажба на канабис.
