Бекот на Голден Стејт, Стефен Кари може да се пофали дека е најпопуларниот играч во НБА лигата, откако доби повеќе гласови од Леброн Џејмс во изборот за Ол-Стар играчи. По сезоната 1991/1992, Кари ќе биде прв играч на Голден Стејт Вориорс што два пати едно подруго е биран за стартер на Ол-Стар дуел. Пред скоро три децении Крис Малин од ГС беше биран два пати едно подруго.
Кари доби 1.513,324 гласови, а за Леброн Џејмс гласаа 1.470,483 милиони фанови ширум светот. Пријатно изненадување на гласањето е и двоецот Џон Вол од Вашингтон Визардс. и Кајл Лоури од Торонто Репторс. Вол ќе биде првиот играч на Вашингтон што ќе игра на еден Ол-Стар натпревар по Жилберт Аренас во 2007. година.
Суперѕвездата на Л.А. Лејкерс, Коби Брајант му се придружи на Стефен Кари во составот на Западот, но неговиот настап ќе зависи од повредата на рамото, поради која ќе мора да оди на операција. Најдобриот стрелец во НБА лигата, Џејмс Харден е најсериозен кандидат да го земе местото на Брајант во почетната петорка на Западот.
Можно е Ол-Стар натпреварот да донесе и братски дуел, откако Пау Гасол од Чикаго беше избран за Истокот и сега се чека исходот од гласовите за брат му Марк Гасол од Мемфис Гризлис, Блејк Грифин од ЛА Клиперс, како и Ентони Дејвис од Њу Орлеанс.
Иако има најдобар учинок на Истокот, лидерот Атланта Хокс нема да има ниту еден претставник на Ол-Старот. Најблизу до резервна варијанта беа Пол Милсап (13. место според гласовите) и Ал Хорфорд, 15. место. Стив Кер ќе биде првиот тренер дебитант од 1998. година што добил повик за Ол-Стар натпревар по Лери Брд.
Перо Антиќ не влезе во најширокиот круг кандидати за Ол-Стар дуелот, но има шанса да се појави на Rising star challenge натпреварот истиот викенд. Станува збор за меч на кои ќе се појават странски играчи што се прва или втора година во НБА лигата, како и дебитанти од САД кои ќе бидат предизвикувачи.
Антиќ минатата година беше избран да игра на овој натпревар, но поради повредениот зглоб не се појави во Њу Орлеанс. Годинава изборот ќе трае до 1. Февруари, а ќе гласаат помошните тренери во НБА франшизите. Тие ќе одберат по 10 играчи од САД и остатокот од светот.
СТАРТНИТЕ ПЕТОРКИ ЗА ОЛ-СТАР ДУЕЛОТ НА 15. ФЕВРУАРИ:
Исток: Леброн Џејмс (Кливленд), Кармело Ентони (Њујорк), Пау Гасол (Чикаго), Џон Вол (Вашингтон), Кајл Лоури (Торонто).
Тренер: Мајк Баденхолцер (Атланта)
Запад: Блејк Грифин (ЛА Клиперс), Марк Гасол (Мемфис), Ентони Дејвис (Њу Орлеанс), Стефон Кари (Голден Стејт), Коби Брајант (ЛА Лејкерс).
Тренер: Стив Кер (Голден Стејт)
ОЛ-СТАР мечот се игра во Медисон Сквер Гарден во Њујорк.
