Џими Батлер ја одигра најдобрата партија во кариерата, среде „ТД Гарден“ пред илјадници бучни противнички навивачи во стилот на Џордан уфрли 47 поени со 9 скока, 8 асистенции, 4 украдени топки и 1 блокада.
Кајл Лаури додаде 18 поени со 19 асистенции и со дабл-дабл имаше голем придонес во триумфот на Мајами, а кај Бостон покрај Тејтум со 30 поени 9 скока и 4 асистенции, солидни беа уште и Џајлен Браун со 20 поени, 6 скока и 5 асистенции и Дерик Вајт со 22 поени, 3 скока и 5 асистенции.
Батлер со луда партија го донесе Мајами повторно на свој терен, пред свои навивачи кога ќе се игра решавачката мајсторка за пласман во големото финале на НБА.
