Со одлична игра во одбраната и ефикасен напад, Кајл Корвер и соиграчите го победија Чикаго Булс 107:99. Корвер постигна рекордни сезонава седум тројки за 24 поени и беше најефикасен во тимот за кој не настапи Перо Антиќ. Ал Хорфорд додаде 22 поени и девет скокови, а Џеф Тиг броеше до 17 поени и 11 асистенции.
Синоќешната победа беше 12. по ред за Атланта Хокс, што е рекорд за оваа франшиза во историјата. Атланта во моментов има учинок 33:8, а победи на последните 26 од 28 средби. Кај Булси, веќе трет натпревар по ред најефикасен беше Дерик Роуз со 23 поени, 10 асистенции и осум скокови.
Седумте тројки на Кајл Корвер за Атланта:
Првиот пик на минатогодишниот драфт, Ендрју Вигинс уфрли 31 поен во победата на Минесота над Денвер Нагетс 113:105. Тоа беше негов најдобар учинок откако игра во НБА лигата. Тадеус Јанг додаде 22 поени за Минесота, франшиза која има очајни 4-16 на гости и 3-16 на доашен паркет. Тај Лосон беше прв стрелец кај Денвер со 22 поени.
Одличната партија на Ендрју Вигинс:
НБА Резултати:
Шарлот Хорнетс - Индијана Пејсерс 80:71 п.п
Детроит Пистонс - Филаделфија 76 107:89
Бруклин Нетс - Вашингтон Визардс 90:99
Чикаго Булс - Атланта Хокс 99:107
Хјустон Рокетс - ГС Вориорс 106:131
Денвер Нагетс - Минесота Тимбервулвс 105:113
Мемфис Гризлис - Портланд Трејл Блејзерс 102:98
Сакраменто Кингс - ЛА Клиперс 108:117
Торонто Репторс - Њу Орлеанс Пеликанс (вечерва 21:30)
