Историската тројка на Стеф Кари со која влезе во вечноста

Најдобриот кошаркар на Голден Стејт Вориорс одигра уште една блескава партија, овојпат против Мемфис во плејофот и ги однесе воините на 3-1 во серијата. Кари на овој меч ја постигна и јубилејната 500. тројка во плејоф кариерата со што е апсолутен лидер на оваа табела во плејоф натпревари.

#SPLASH💦 No. 500 https://t.co/V67tBzHDCP pic.twitter.com/O05jPVmz7s
— Golden State Warriors (@warriors) May 10, 2022

Зад него далеку се Леброн Џејмс со 432 тројки, соиграчот Клеј Томпсон со 405 погодени тројки, Реј Ален (385) и Џејмс Харден (364). Кари ги помести границите кај тројкашите во НБА. Лани стана најдобриот стрелец на тројки во историјата на НБА лигата откако со уфрлени 2.974 го надмина Реј Ален (2.973 постигнати тројки).

За таквиот учинок на капитенот на Голден Стејт Вориорс му требаа 798 средби а Ален претходниот рекорд го држеше после дури 1.300 одиграни натпревари.

Трет на листата најдобри тројкаши во историјата на НБА е Реџи Милер кој уфрли 2.560 тројки на 1.389 натпревари.