Сан Антонио и Атланта одиграа неизвесен натпревар во кој екипите дури 22 пати се менуваа во водство, а резултатот беше израмнет 17 пати.
Домаќините направија водство од седум разлика на три минути до крајот, но со тројките на Милсеп и Тиг, Атланта израмни на 100:100 кога на семафорот стоеа уште 4,7 секунди.
Одговорноста во свои раце ја презеде ветеранот Тим Данкан кој погоди на 0,4 секунди до крајот и ги постави конечните 102:100.
37-годишниот Данкан стана најстариот кошаркар во историјата на НБА кој имал учинок од над 20 поени и 20 скокови. На овој натпревар тој оствари 23 поени и 21 скок.
Кај Атланта се истакнаа Тиг со 19, Хорфорд постигна 18, а Керол 17 поени. Перо Антиќ повторно одмораше.
