Нетси ја имаа контролата во играта речиси на целиот натпревар кој се одигра во арената „О2“ во Лондон, а по неизвесната прва четвртина во која водеа 31:27, во втората почнаа да се одлепуваат резултатски и на полувремето заминаа со предност од 65:53.
Составот на Џејсон Кид го одржуваше високото водство во текот на целиот меч кое во последната четвртина изнесуваше дури и до 33 поени разлика, но Хокси успеаа да ја стопат предноста на Бруклин за конечни 127:110.
Најдобар поединец на паркетот беше Џо Џонсон со 29 поени, Андреј Блач постигна 20, а двоцифрен број на поени имаа и Пол Пирс со 18, Алан Андерсон со 15 и Кевин Гарнет со 12 коша.
Антиќ одигра солидна партија и за 23 минути оствари учинок од 11 поени, (4/5 од поле, 1/1 за три поени и 2/2 од слободни фрлања) потоа 5 скока и по една асистенција и украдена топка.
