Њупорт решил да го поддржи својот фудбалер со помош на прекрасна акција: Следната сезона во една од трите варијанти на дресови ќе ги испише премизињата на навивачите кои ќе донираат 50 фунти на сметка за помош на Фрејзер.
Презимињата ќе бидат испишани со мали и ситни букви на преубав дрес.
CLUB NEWS | County fans will be able to have their name included on the design of the #Exiles 2019/20 Third Kit, as the Club seeks to support @Fraserfranks and his family following his retirement from professional football earlier this month.
— Newport County AFC (@NewportCounty) March 27, 2019
👉 https://t.co/H6YINIcpM2#NCAFC pic.twitter.com/Ehag43Hmge
Дизајнот на дресот со клупските бои го избрал самиот Фрејзер Френкс:
„И јас и моето семејство немаме зборови со кои можеме да ја изразиме благодарноста до фудбалскиот клуб за овој неверојатен гест. Не знам што не чека во иднина, но ова ќе биде огромна помош“, рекол Англичанецот.
****
Фрејзер Френкс до 16 години тренирал фудбал во академијата на Челси, а потоа се дообучувал и во Брентфорд. Целата професионална кариера ја минал во 4-та и 5-та дивизија.
За крајот на кариерата на 28 години објавил минатата недела: „Имам проблем со аортата и срцевиот залисток. Лекарите ми кажаа дека морам неодложно да престанам со фудбалот затоа што постои огромен ризик од усложнување на состојбата ако го подвргнам срцето на премногу напор и стрес“, рекол Фрејзер.
Интересно, дефанзивецот на 16 февруари играше против Манчестер Сити во 1/8 финалето на ФА Купот. Њупорт стана единствениот клуб од четврта лига кој стигнал до оваа фаза од најстарото натпреварување на светот.
Френкс влегол од клупата во 86’ минута при резултат 0:2 за Сити. После пар минути Њупорт даде гол за огромна радост на навивачите, но на крајот изгуби со 1:4.
А после три дена, Френкс Фрејзер го одиграл последниот меч во својата кариера - Њупорт на гости со 1:4 го прегазил Нотс Каунти а Фрејзер дал гол во 9’ минута. Во 81-ва минута бил повлечен од игра.
Ноќта после тој меч многу му се слошило. „Мислев дека се симптоми на грип. Имав висока температура, ме фати и треска, а потоа ме стегна во градите и наеднаш срцето почна да ми чука брзо и силно. Жена ми ме однесе во болница и таму докторите ми открија проблем со срцето.
Во саботата играв против Манчестер Сити, во вторникот вечер против Нотс Каунти, а во средата веќе бев во болница. Потоа разговарав со многу кардиолози, ги собрав сите информации. И сите велат дека е многу добро што сега е откриено. Ќе бев глупав ако не ги послушав нивните совети“, рекол 28-годишниот Фрејзер Френкс кој се простува од фудбалот.
