Од утре (27 септември) кога е неговиот 42 роденден, книгата Un Capitano ќе биде пуштена во продажба во цела Италија, а Тоти сака да им подари нешто плус на навивачите на Рома.

Првиот човек во историјата на фудбалот кој успеа во една година да стигне до хет-трик на награди (Најдобар на СП, најдобар во ЛШ и најдобар според ФИФА) е центар на внимание. Има пари ако сака да купува по 1.000 телефони дневно од сите најнови и најскапи модели, ама Хрватот по се изгледа не пати од високо.

Дерик Вилијамс од Блекбурн синоќа на мечот против Блекбурн се сопна, ја грабна топкава в раце и се направи будала дека за сопката му следува фаул. Ајде под туш.

Еден од најдобрите фудбалери синоќа на легендарниот стадион на Манчестер беше младиот Хари Вилсон кој е позајмен играч од Ливерпул и кој не пропушти прилика да ги изнервира навивачите на Јунајтед.

Си замина Чави, па си замина Иниеста, ама системот останува ист. Имаме видео од 22 додавања по ред во 60 секунди со егзекуција на крај. И тоа беспрекорнава акција ја прават на мечот против ПСВ при резултат 3:0 во 87-ма минута. Каква професионалност и дисциплина, не губат топка ниту на решен меч.

Луифа Галесио е во брак со сестрата на Мауро, Ивана Икарди. Дечкото е малку чуден спој од победник на реално шоу во Аргентина до играч во четвртата италијанска лига Серија Д. После овој гол Мауро Икарди може да се гордее со зетко. 

Во ситуација кога многумина очекуваа да загрми од Париз нов трансфер вреден милијарди евра, германскиот тренер на клупата на ПСЖ Томас Тухел се реши да доведе еден висок шпиц кој го тренирал уште од времето во Мајнц. На општа зачуденост на сите.

Во земјата во која се игра најгрубиот фудбал на светот, имало илјадници криминални прекршоци. Но она што го направил Џејсон Казинс од Викомб над Дејвид Мос од Донкастер е страобално. А што е најлудо, судијата па му дава втор жолт па црвен. Проценил дека е за жолт картон. Соиграчите уште се бунат.

За време на средбата од 5. коло во Примера меѓу Бетис и Атлетик Билбао (2:2), гостинскиот играч Јури Берчиче во еден дуел замавнал со лакт и го удрил домашниот фудбалер Франсис Гереро при што му избил еден заб. По крајот од мечот Гереро се вратил на терен да си го бара забот а му помагале од тренерите и соиграчите до децата кои фаќаат топки.

Минатата сезона Стоук Сити испадна од англиската Премиер лига во пеколниот Чемпионшип каде уште не може да ја најде својата игра. Еден од кривците за катастрофалниот учинок во последните неколку месеци е и шпицот Саидо Берахино.

Англиската Премиер лига и навивачите редовно бираат најубав гол на месецот а добитникот го прима признанието. Во декември лани кога Салах постигна погодок против Евертон, за најубав гол беше избран оној на Џермејн Дефо на мечот Борнемут - Кристал Палас. А Салах синоќа ја доби наградата најубав гол на годината во светот во избор на ФИФА.

Капитенот на хрватската репрезентација Лука Модриќ ја доби наградата во Лондон од ФИФА за најдобар играч на годината и ја прекина доминацијата на Кристијано Роналдо и Лионел Меси кои владеат од 2007 година.

Колку и да го величаме дека е јак во среден ред, сепак мора да признаеме дека Раџа Наинголан знае да биде “копач“ со тоа стартовите без осет, а потврда за тоа е оваа приказна која за среќа, па и за чудо не заврши со тажен крај.

Италијанскиот репрезентативец добива сè поголема доверба во Јувентус и враќа со одлична форма. Синоќа против Фрозиноне беше одличен и даде гол за 0:2.

Флорентино Перез добил одобрение за својот проект за реновирање на „Сантијаго Бернабеу“ кое ќе го чини Реал Мадрид астрономски 525 милиони евра. „ЗА“ гласале 1.017 сосиос (членови), „против“ биле 57 а 23 членови не гласале. Реконструкцијата ќе мине во неколку етапи и ќе трае околу четири години.

Дефанзивците на Гвангжу Фули кој како тренер го води Драган Стојковиќ, се изборија за доста висока позиција на листата на најкомични автоголови на сезоната. Коментаторот слатко се смееше, а Пикси извикуваше од клупа: Дали је ово могуќе?

Како гром одекна веста дека најтрофејниот тренер во историјата на Манчестер Јунајтед добил излив на крвотокот во мозокот и бил итно реанимиран. После неколку месеци рехабилитација се врати на местото каде најмногу сака да биде. Меѓу своите.

Пауло Дибала, фантастичниот Аргентинец одново има проблеми. Сезонава во стартните 11 влегол само три пати на шест меча, на терен поминал 280 минути и дал 0 голови. Пред само една година бројките беа поинакви - осум голови после пет кола во Серија А.

Се вика Дејверсон и игра за трофејниот бразилски клуб Палмеирас. На гостувањето кај Спорт Ресифе каде што неговиот тим победи 0-1 беше толку патетичен што и своите навивачи се срамеле од реакцијата.

Папис Сисе од Аланијаспор направи потег по кој сите се откажаа дека може да биде нешто од акцијата, само тој не. Што ти е упорен дечко. Има да ја дадам ако треба и со лежење.

Без разлика на квалитетите и светската фудбалска слава, Нејмар од Мундијалот наваму уште е асоцијација за глума после тоа хистеричните витакања на терен. Но го бива и да изнуди аплаузи. За ова му следува едно браво.

Стивен Бергхуис веројатно е најголемиот срам во историјата на Феенорд и холандската репрезентација. Покрај федерацијата, висока казна треба да му стегне и самиот клуб. Само бокс да си удреше сам на себе ќе беше полошо од ова.

Скоро сите го заборавија затоа што на почетокот на 2016 од Рома замина во Кина и некое време играше таму. Летово се врати во Италија во дресот на воскреснатата Парма. Синоќа на дуелот против Каљари (2:0) постигна гол кој ќе конкурира за најубав во Серија А сезонава.

„Зошто тој Фабињо не го игра?“, е најчестото и најпопуларно прашање на стартот од новата сезона во Премиер лига.