По фаулот на Ковачиќ врз играч на Ливерпул после кој Александар-Арнолд постигна преубав гол од слободен удар, Френк Лампард бил фрустриран од судиската одлука (интересно судијата во даден момент му вика на Ковачиќ 'yes, you did get the ball.' ама свири фаул). Тренерот на Челси во налет на нервоза му се пушта и на Клоп и тоа ептен жестоко.
Англискиот фудбал полека спушта завеса, а на многу локации ширум земјата периодов имаше МАСОВНИ собири на навивачи кои славеа од разни причини. Кога викаме масовни, мислиме над десетина илјади луѓе без многу маски и без ама баш никаква социјална дистанца меѓу нив.
Тајлер Пашер (26) е канадски фудбалер кој игра во американската втора лига за клубот Инди Илевен. На тоа како го реши мечот против Питсбург на гости во 90+7' минута од продолжението, може да му позавидат и многу посериозни фудбалери од Европа. Браво мали!
Фудбалерите на Порто предводени од Серџио Консеисао ја одбранија титулата во Португалија, а против Мореирензе го постигнаа голот на сезоната. Се изгубија гостите во поставувањето на одбраната.
Рома го декласираше СПАЛ на гости со 1:6. Голот на колото, кој сигурно треба да влезе во топ 5 на сезоната е овој на Николо Ѕаниоло. Напаѓачот на Рома се отвори леле мајко. Еден, двајца, тројца, четворица, море вкупно пет души ги изеде. Страшен гол. Го сметаат за наследник на Тоти.
Шпицот на Свонси кој е позајмен од Ливерпул, Рајан Брустер реши да распали од 35 метри и да го ишиша голманот на Рединг, Рафаел. Многу, многу блесав гол.
Ливерпул со 3 ефектни гола во првите 45 минути го испраши Челси во дербито. „Црвените“ одиграа шампионско полувреме. Мераклии сме на евроголови од слободен удар, па само затоа му даваме предност на ова што го изведе бекот Александар-Арнолд, а не дека бомбата на Кеита не е страшен гол.
Пред 17 години беше претставен на Камп Ноу, а Каталонците добија играч на кој секој втор потег му беше за клип на Јутјуб. Роналдињо беше спектакл кој ќе се зборува со години.
Денеска полнат 73 години, но за жал не им е до славење бидејќи дишат на респиратор и на три недели до стартот на новата сезона имаат непозната иднина. Но колку и да е ситуацијата со 11 кратниот првак на Македонија тешка, сепак навивачите веруваат дека македонскиот бренд ќе биде спасен.
Борусија Дормтунд има нов хит, тинејџер за кого дадоа огромни 23 милиони евра и за кого Манчестер Јунајтед го активираше дури и Сер Алекс Фергусон ама безуспешно.
Едниот е доктор, тоа знаеме и што сака прави со топката, а другиот е со мев и 13 години постар. Ама не е лош Карло, ај ти, ја има контролата. Инаку ова треба е да 2014-та или 2015-та кога Анчелоти го тренираше Реал, а Зидан беше на чело на Реал Мадрид Кастиља.
Навивачите на Лидс важат за едни од најжестоките во Велика Британија. После цели 16 години сонот на многу генерации се исполни - клубот се враќа во Премиер лига. Легендарниот тренер Биелса е најзаслужен за големиот успех и навивачите го сакаат како идол.
Шампионот на Шпанија од 2000-та, клубот за кој играа Рој Макај, Диего Тристан, Валерон, Пандијани, Ривалдо, Мауро Силва, Консеисао, Ѓукиќ, Молина, Џалмиња и други, од следната сезона ќе игра во шпанската трета лига.
Парижани се спремаат за нокаут мечот од ЛШ против Аталанта и до сега одиграа три подготвителни меча кои ги добија убедливо со гол разлика 20:0. Синоќа го победија Селтик со 4:0, а погледнете каква топка му даде Нејмар на Мбапе по само 50 секунди игра.
Авес е фудбалски клуб од Португалија и нов второлигаш во оваа земја. На табелата во првата лига имаат само 17 бода и дури 26 порази на 33 меча сезонава. Испаднати се уште одамна. Синоќа пред мечот со Бенфика шоферот наводно ги изгубил клучевите од автобусот, па сите играчи морале да одат со коли до стадионот.
38-годишниот Ибра му донесе нови три бода на Милан кој не знае за пораз по рестартот на сезонат0 (7 победи на 9 меча), а и има гарантирано место во Лига Европа. Ибракадабра има 8 гола и 4 асистенции по враќањето на „Сан Сиро“ на 17 декември лани.
Милан продолжува со фантастичната серија после карантинот во Италија, а синоќа го совлада и Сасуоло на гости со 1:2. Одеше и на трет гол, ама голманот на домаќините запна ептен и реши да не прима повеќе.
Поради театарската атмосфера и ехото кое се прави без публика, до сега чувме како пцујат играчите на Милан и Њукасл. Синоќа во Серија А се сретнаа Аталанта и Болоња, а сочни пцовки летаа од устата на Михајловиќ кој му се сипа на Гасперини.
Творците на големиот шампионски успех на Реал Мадрид имаат исто потекло. Нивните родители се од северен Алжир а и Зизу и центарфорот се родени во Франција но не забораваат на своите корени.
Фино направија што ниту една екипа од топ 4 во Италија, Шпанија, Англија и Германија нема потреба повеќе да игра квалификации и може директно да се пласира во Лига на шампиони. Но пак постои едно ако, кое реално е многу тешко изводливо.
Како велат, еднаш мајстор, засекогаш мајстор, а мајсторот си гази и на 43 години како учесник во првенството познато во Италија како „Campionato di calcio a 8“ кое се игра со локални екипи. Победата е уште послатка бидејќи Франческо Тоти со својата екипа Тоти Спортинг клуб го совлада противникот кој се вика Лацио.
Жозе имал сенс за топка. Не бил дунстер. Иако главен тренер едно време му бил татко му, Мурињо никогаш не ја користел таа положба и бил крајно љубезен со сите други фудбалери, а на постарите им ги чистел копачките.
“How you given that you wee dick”, му рече Мет Ричи од Њукасл на линискиот судија, само затоа што се налути поради досуден фаул. Така е без публика, да кивнеш се слуша.
