На средба од француска трета лига меѓу ФББП 01 и Конкарно, домаќинот победил 3:2. Вториот гол за гостите бил автогол на домашниот голман Франк Л’Остис. Многу смешен автогол каков што скоро си даде и Уго Лорис на мечот Тотенхем - Арсенал.

За најтрофејниот италијански клуб несвојствено е да прима по 5 гола на натпревар. Наполи на медиумите им отвори работа да копаат во историјата кога претходно им се случувале вакви порази. Со последните два е поврзан Алегри.

На Лион не му оди сезонава и се наоѓа на 9-та позиција. Интересно имаат ист број на порази, вкупно осми со Стразбур кој од 19-та рипна на 16-та позиција. Лион - Стразбур 1:2. Напаѓачот Карл Токо Екамби играше во напад и во тунел.

Чик Броди е голема клупска легенда на Брентфорд. Тој бранел на 219 натпревари и во ’60-те години бил еден од најдобрите англиски голмани. Но неговата кариера завршила апсурдно малерозно. За време на еден меч меѓу Колчестер и Брентфорд во 1969-та година на сред терен влегува куче и трча безумно по цело игралиште. Натпреварот не се прекинува а во еден момент кучето се залетува по топката и удира во голманот Броди. Епилог: скинати лигаменти, тешка повреда и крај на една богата кариера.

Во саботата во Премиер лига играа Евертон и Саутемптон. Гостите решиле да дојдат ден претходно и да преспијат во хотел во Ливерпул (растојанието меѓу градовите е 300 км). Во текот на ноќта некои навивачи на „карамелите“ распалиле огномет со цел да им го нарушат сонот на гостите. На крај Саутемптон победи 1-2 после пресврт па оставиле убав коментар и препорака на сметка на хотелот.

Арсенал е top of the league. Дечките од северен Лондон играат сјајна сезона и заслужено се први на табела со дури осум бода пред силниот Ман. Сити на Гвардиола. Во неделата на гости го победија вечниот ривал Тотенхем со 0:2 а демонстрација на моќ имаше Бразилецот Мартинели со лежерен прием на грб.

Кога во Италија се нарачува кафе, се мисли на еспресо, ама од викендов во Неапол најслатко и најпродавано кафе е капучиното.

Со маестрална игра фудбалерите на Барселона го совладаа најголемиот ривал 3:1 и не му оставија ни промил шанса на Реал Мадрид да стигне до трофејот. Ова е прв пехар за Каталонците после цели две години и прв голем трофеј за Чави како тренер.

По шест натпревари без гол, Бојан Миовски и годинава ја продолжува одличната деби сезона во Шкотска каде на конто има 12 гола на 23 средби. Македонскиот центарфор го отвори резултатот во првиот дел со одлична завршница, но во финалето на Лига Купот во Шкотска оди Глазгов Ренџерс, бидејќи го сврте резултат на 2:1.

Масимилијано Алегри повеќе од очигледно дека многу тешко го прими поразот од Наполи од 5:1 и сакаше да го избегне ракувањето со Спалети. Ама овој приреди јака сцена која ја уловија камерите. Јуве прима 5 гола во Серија А после 30 години.

Елиф Елмас го запиша вториот гол во 2023-та и вкупно петти сезонава во Серија А, откако синоќа лесно го реши Филип Костиќ во дуел еден на еден и го заокружи дебаклот на Јуве од 5:1. Без разлика дали е стартер или замена, веќе стана препознатлив како играч кој секогаш го дава максимумот, а тоа го вели во изјавите и Спалети. Кај нас е познат како „македонски дијамант“, а кај нив од сега како „El Massimo“ или во превод „Максимумот“.

Јувентус ја завршува одличната серија од 8 победи по ред во Серија А и тоа на најлош можен начин, со пораз од 5:1 од големиот ривал Наполи на кој пред ова коло му се доближи на -7. Нов гол за Елиф Елмас кој после оној против Удинезе, лесно се ослободи од Костиќ и стигна до петтиот сезонски погодок.

Португалските гиганти Бенфика, Порто и Спортинг може да држат трансфер клиника на која би предавале како „да фрлиш рипче а да фатиш крапче“.

Рома е нов патник во четвртфинале на италијанскиот Куп откако синоќа со 1-0 ја совлада Џенова. На полувреме беше 0-0, па веднаш на старт на вториот дел влезе Пауло Дибала од клупата за резерви и го реши мечот со гол во 64’ минута.

Само еден ден по нерешените 1:1 на Реал и Валенсија и пенал серијата која заврши во полза на кралевите, слично сценарио имаше и на второто полуфинале меѓу Барселона и Бетис, со таа разлика што овие две екипи постигнаа уште по еден гол во продолженијата кои вреди да се видат.

Големото засилување на Стемфорд бриџ ќе сака што побрзо да го заборави првиот меч за Челси. Само што го облече синиот дрес направи непромислен старт, вреден чист црвен картон.

Откако ја сврти игрицата, освои еден куп трофеи меѓу кои највредни му се петте пехари во Лига на шампиони, Герет Бејл реши на триесет и три години да се повлече од активното играње фудбал. Со едно видео кое тој го објави, може да се долови неговата величествена кариера.

Се изнаигра фудбал, 20 години во сениорска конкуренција, освои трофеи во Русија, стигна до дресот на Италија и настапи на Светско, фати и прекуокеански лет, но срцето му чука за Џенова, клубот кој заедно со Пандев го спасуваа во Серија А, сега со нова задача, да помогне да се врати.

Во морето фудбалски натпревари ширум Европа каде среде недела се играат домашни Купови, Брага и Виторија во Португалија одиграа спектакуларен дуел. Гостите водеа 0-2 до 80-та минута кога почна рапсодијата на домашните. Во рок од пет минути им дадоа три гола од кои оној за израмнување на Витиња беше лудачки.

Фудбалерите на Милан испаднаа од Копа Италија откако синоќа Торино со играч помалку од 69-та минута најпрвин го сочува својот гол до крајот, се избори за продолженија, а таму во 114’ минута му го зададе конечниот удар на шампионот. Милан залудно имаше 34 обиди од кои 8 во рамки на голот на Вања Милинковиќ-Савиќ кој бранеше одлично. Стрелец на победничкиот гол за пласман во четвртфинале на Торино беше Ндари Адопо.

Фудбалерите на Саутемптон за 6 минути со два комада го суредија англискиот шампион во Карабао Купот. Репрезентативецот на Мали, Муса Џенепо во џеп го стави голманот Стефан Ортега. Гвардиола за прв пат во кариера е елиминиран во четвртфинале на домашен куп.

Ница го декласираше Монпеље со 6:1, а еден од стрелците беше Енди Делор, кој не изнасмеа од сабајле со потегов. Не веруваме дека некој друг фудбалер успеал вака да си ја намести. Ова е уникатно ремек дело.

Шоуто на светскиот шампион почна уште на првиот меч на ПСЖ после кам бекот од Аргентина или поточно уште пред да почне. Навивач од трибина сними клип со Меси на загревање, кој никогаш нема да го избрише од мобилен. Потоа следуваше дриблинг, како и мајсториска акција и гол со рутинска завршница.

Толку му треба на светскиот првак, само што се врати им покажа како се игра фудбал. ПСЖ го совлада Анже со 2:0 во 18. коло од Лига 1, а Меси го постигна вториот гол преку акција и финиш, како фудбалот да е најлесната работа на светот. 8 погодоци и 10 асистенции сезонава за Лео во првенство.