Кол Палмер му даде два гола од пенал на Тотенхем, едниот со паненка. Знае да го искористи како трик удар од 11 метри, ама не знае од каде потекнува.

Со топка можеше сè, па дури и да танцува со неа кога ќе ја прими. Такво чувство, таков осет е вродена дарба, талент каков што се гледа на стотина години.

Лидерот во Серија А му пружи силен отпор на европскиот првак, а во второ полувреме и го надигра, но го плати цехот со слабата одбрана. Статистички беше и подобар со вкупно 20 удари спрема 10 на Реал или 9:6 во рамки на гол. Посед на топка 55%-45%. Може многу да жалат за утката на Матео Ретеги кој доби локум топка од Лукман.

Во првата вечер од 6. коло во Лига на шампиони, Интер за првпат прими гол сезонава и тоа во судиско продолжение кај Баер Леверкузен и изгуби минимално. Реал Мадрид успеа да го преброди Бергамо, а ПСЖ покажа дека уште има што да каже до крајот. Бојан Миовски го пропушти мечот Жирона - Ливерпул поради повреда, а Стефан Ристовски и Аријан Адеми ремизираа со Селтик.

Лидер во Серија А не е повеќе Наполи, ниту Интер, туку Аталанта која 14 меча не знае за пораз и гази со 9 победи по ред. Викендов го совладаа Милан, а претходно Наполи и Рома на гости. Вечерва на Бергамо го пречекуваат Реал Мадрид. Во 5 кола немаат загубено натпревар во ЛШ.

Нема наука која може да го објасни празноглавието на некои фудбалери чиј тим страшно драматично брка гол за поволен резултат, а они во тие моменти прават глупости, се караат, се влечат, се тепаат и просто губат време. Манчестер Јунајтед изгуби дома од Нотингем Форест 2:3 во саботата вечер. Погледнете на што изгуби 20-ина секунди Андре Онана додека бркаа гол.

Рикардо, едно од трите деца на тренерот на Лацио Марко Барони игра за Албинолефе во Серија Ц. И тој не е единствен кој се чуди на неверојатните резултати на неговиот татко кој ги изненади баш сите, па дури и оние кои го избраа.

Едгар Давидс, Џенаро Гатузо, Серхио Рамос, Пепе...Сите овие се нула за Илија Донов од Силекс, кој на играч на Вардар му влезе со две нозе, но ја промаши и топката и нозете. Многу лошо. Малку е црвен за ваква малоумност.

Поранешниот англиски репрезентативец кој најголем дел од кариерата ја мина во Манчестер Јунајтед, од февруари годинава е член на Сеул каде има 26 настапи и 6 асистенции. Новинарот Ли Сунгмо за него рече дека е најголемиот трансфер во историјата на јужнокорејскиот фудбал. Забавно им е.

Љано дел Беал е мало местенце (мало за шпанска демографија) со 1.337 мештани. Се наоѓа кај Картагена, во регионот Мурсија во Шпанија. Во ова место игра мало фудбалско клупче, Депортиво Минера. Ја имаа таа историска среќа, на ждрепката за 3. коло во шпански Куп на Крал да им падне големиот и славен Реал Мадрид. Првпат во историјата ќе играат против „кралевите“ а тоа беше причина да се радува старо, младо, машко и женско.

Левиот бек на европскиот шампион Шпанија и на Челси, Марк Кукуреља синоќа направи два катастрофални кикса во првиот дел откако се лизна во клучни моменти и тогаш Тотенхем искористи два подароци од него и даде два гола. Кукуреља веднаш отиде да ги смени копачките кај клупата за резерви а после мечот објави фотографија како ги фрлил во канта за ѓубре.

Челси игра во неверојатна форма и од екипа за потсмев под водство на младиот италијански тренер Енцо Мареска, сега стана сериозен кандидат за шампионска титула во Премиер лига. Зад лидерот Ливерпул се само -4 бода. Синоќа го совладаа големиот и лут ривал Тотенхем на гости и тоа после негатива од 2-0.

Врвната иновативност од која може да профитираат луѓето со оштетен или целосно загубен вид е на Каљари. Измислиле минијатурен фудбалски терен на кој има плочка, која всушност се движи во реално време со топката на терен. Во раце го имаат цел натпревар. Браво за идејата.

Ако на Камп Ноу на секој натпревар треба да се следат потезите на Ламин Јамал, на Бернабеу не застанува да импресионира човекот кој е 22 години постар од него. Реал Мадрид ја совлада Жирона на гости 0:3, Миовски одигра 58 минути, а конечниот резултат го запечати Килијан Мбапе на асистенција на Лука Модриќ. Обрнете внимание како му ја даде, но прво како го сочека. Пас со мозок.

Со триумфот од 3:0 над Нотингем Форест, Манчестер Сити ја прекина лошата серија од 6 порази и едно реми, ама денес пак не успеа да победи и одигра само 2:2 на гости против Кристал Палас. На социјалните мрежи се појави видео од Гвардиола во кое се гледа како му се сипа на навивач откако овој го испровоцира дека пак загубиле. Наводно случкава е после поразот од Ливерпул.

Фудбалерите на Бетис се изборија за 2:2 против Барселона, која со головите на Левандовски и Торес, на два пати беше во водство. 19 годишниот Асане Диао ќе ја памети оваа ноќ, бидејќи деби голот во Ла Лига го постигна во 94-та минута против големиот фаворит и тоа со пета. Ламин Јамал повторно се истакна со интелигентна асистенција, а него издвојуваме и еден слалом.

Во време на натпревари од Куповите ширум Европа, многу прволигаши тактизираат со своите состави и ги мешаат картите. Тоа често ги чини рана елиминација. Така Жирона за која не играа неколку првотимци меѓу кои и македонскиот репрезентативец Бојан Миовски испадна сензационално од Купот од третолигашот Логроњес на пенали.

10 гола на првите 20 средби не е лош просек за напаѓач во нова средина, ама тука не се работи за било кој, туку за Килијан Мбапе, суперѕвезда со материјал за Златна топка. Не му оди баш на Бернабеу, тоа е факт, а за причините е тешко да се зборува. Дресот на Реал носи огромен притисок, плус гужва е во напад, посебно што по природа играат на иста позиција со Винисиус.

Меѓу долгогодишните големи ривали на терените отсекогаш владееше меѓусебна почит. Овојпат новинарите фрлија бибер и малку зачинија. 

На толку спортски настани неделава, да ти имало и швајцарски Куп од каде мора да видите нешто. Базел и Сион одиграа 2:2, а по само 5 минути од стартот на мечот, Ѓердан Шаќири изведе многу мајсторски, но и интелигентен удар од прекин. Како ја свитка мајсторе, секоја чест. Многу умешно изведено.

Сант Андреу од четврта лига против Реал Бетис од прва. Мечот заврши без изненадување, 1:3, а домаќините во еден момент просто неверојатно е како немаа ниту 1% среќа за да реализираат во оваа акција. Најлудиот момент е кога ќе ја фукне тој со цела сила и ќе погоди свој играч на сама гол линија.

Њукасл и Ливерпул одиграа 3:3, а многу малку фалеше гостите во првиот дел да бидат во негатива од два гола. Но Гордон не успеа да го дуплира водство, а Вирџил ван Дајк скроз непотребно го легна на земја. Ситуацијата остана незабележана и несанкционирана. Класичен Серхио Рамос потег.

Поточно самиот вели дека нема никаков случај (новинарите направија дебата зошто тој не играл, не бил во добри односи со Гвардиола и ред глупости). Пеп вели: „Да да, личен проблем имам со најдобриот играч на светот во последна третина од теренот, проблем имам со фудбалерот со кого работам 9 години и кој ми ги донесе најголемите успеси“.

Евертон ја игра последната сезона на Гудисон Парк на кој се сместени од далечната 1892 година. Новиот стадион им е готов или скоро готов. Се проценува на околу 800 милиони фунти и има капацитет од 52.888 седишта. По сè изгледа е изграден по примерот на Олд Трафорд. Со можност за водопад кога врне дожд.