Златан: Јас си заминав, сега вратете се на гледање бејзбол

Дојде со стил, играше со стил, си замина со стил, ама сето ова во својот уникатен и оригинален стил. Незаборавни 21 месец и за него, но пред сè за американската публика и новинарите.

Приказната со Златан Ибрахимовиќ во американската МЛС лига и дефинитивно завршување, откако и самиот стави крај со пост на социјалните мрежи.

Шведскиот ветеран за кој е малце глупаво и да кажеме дека е ветеран со оглед на тоа како игра, стави крај на авантурата во САД со фантастична реализација од 52 гола на 56 МЛС средби.

Па кој друг го може ова на 38 години?

А сега неговата Златан одјава:

„Дојдов, видов, освоив. Благодарам Лос Анџелес Галакси што ме направи повторно жив“.

„До навивачите на Галакси: Го сакавте Златан, ви го дадов Златан. Добродојдени сте“.

„Приказната продолжува...сега вратете се на гледање бејзбол“.

Од Галакси изјавија:

„Од неговото пристигнување во 2018-та, Златна позитивно влијаеше на фудбалот во Лос Анџелес. Ние сме благодарни за неговата работна етика и страст. Му за заблагодаруваме за неговиот професионализам и неизмерно влијание врз фудбалскиот народ во ЛА и Северна Америка во целина“.

Ова е потврда дека си заминува, ама нема ништо официјално каде. За сега се е предмет на шпекулации, а го поврзуваат со Милан, Болоња, Манчестер Јунајтед...

Клик тука за да ги видите сите негови голови за Галакси и клик тука за да знаете што се случувало на 48 часа пред неговото деби на кое блесна и тоа на градското дерби. 

14 ноември 2019 - 09:33