Килијан Мбапе сезонава стигна до бројка од 25 погодоци на само 20 натпревари, а сезоната не е ниту до половина. Со ова темпо, сигурно ќе ја надмине деби сезоната во Реал Мадрид со 44 гола на 59 средби.
Французинот игра во врвна форма, без разлика што е гужва во нападот на кралевите, каде и не ја игра својата најдобра позиција која ја држеше во ПСЖ.
Тој е лидер во водечките 5 европски лиги, како и во Лигата на шампионите, по сите три клучи параметри во напад: голови, создадени шанси и придонеси во голови (гол или асистенција).
- Најмногу голови во првите 5 европски лиги (16 на 15 натпревари)
- Најмногу придонеси во голови во првите 5 европски лиги (20)
- Најмногу создадени шанси во првите 5 европски лиги (43)
- Најмногу голови во ЛШ (9 на 5 натпревари)
- Најмногу придонеси во голови во ЛШ (9)
- Најмногу создадени шанси во ЛШ (20)
Со двата гола против Атлетик Билбао, Мбапе стигна до бројка од 62 гола годинава и со тоа се наоѓа во топ 5 на сите времиња според број на голови во една календарска година.
Пред него се Меси 2012 (91), Роналдо 2013 (69), Левандовски 2021 (69) и Роналдо 2012 (63).
До крајот на годината има уште четири натпревари, можност да се искачи уште повисоко.
