Сите треба да му станеме

Кога некој ќе ве праша кој е најпознат играч од Република Ирска, одговорот и во 3 по полноќ треба да ви е Роби Кин. Човекот кој е синоним за ирскиот фудбал, синоќа за последен пат го облече репрезентативниот дрес. Стаж, настапи и голови? 1998-2016, 146, 68 - рекордер. Беше дел од СП 2002 и ЕП 2012 и 2016. Последните аплаузи од милениците ги доби на пријателска средба против Оман (4:0), а последниот гол му беше мајсторија. Со среќа понатаму царе, во репрезентативна пензија отиде на 36 како пример за помладите.