Шкендија се избори за најдолгото лето на европска сцена, како и историски пласман во Конференциската лига. Од македонските клубови, претходно само Вардар играше во групи, но во Лига Европа во 2017-та.
На денешната ждрепка во Нион, Шкендија, која беше во петтиот шешир, за противници ги доби Слован Братислава (Словачка), Рајо Ваљекано (Шпанија), Јагелонија (Полска), Дрита (Косово), Шелбурн (Република Ирска) и АЕК Ларнака (Кипар).
Тетовчани на домашен терен ќе ги пречекаат Слован Братислава, Јагелонија и Шелбурн, а ќе им гостуваат на Рајо Ваљекано, Дрита и АЕК.
По неколкуте милионски заработки од квалификациите во ЛШ и ЛЕ, Шкендија ќе се офајди со нови 3,2 милиони евра само од пласманот во групната фаза во КЛ.
Потоа следните заработки ќе им зависат од резултатите. Секоја победа носи 400.000 евра, а нерешено 133.000 евра.
Европската одисеја за македонскиот првак продолжува минимум до 18 декември.
Распоред:
1. коло – 2 октомври 2025
2. коло – 23 октомври 2025
3. коло – 6 ноември 2025
4. коло – 27 ноември 2025
5. коло – 11 декември 2025
6. коло – 18 декември 2025
