Се сеќавате ли на хет-трикот на 21 годишниот Бејл против шампионскиот Интер?

Се работи за меч од групната фаза во ЛШ пред 13 години, на кој Пандев играше за Интер, а Модриќ за Тотенхем. Се појавува млад, надежен, екстра брз и експлозивен бек кој после овој настап станува напаѓачко откритие за кое Реал три години подоцна ќе плати 100 милиони евра.

Две недели пред гостувањето во Лондон каде загуби 3:1, Интер го пречека Тотенхем со пеколни 35 минути во кои обезбеди предност од 4:0. Стрелаа два пати Ето и по еднаш Занети и Станковиќ.

Тоа беше шампионската постава на Интер која од Мурињо таа сезона 2010/2011 ја презеде Рафаел Бенитез.

Интер и Тотенхем како фаворити ја поминаа групата, а елиминирани беа Вердер и Твенте.

Она што ќе остане запаметено од таа сезона е блесокот на Герет Бејл кој запиша незаборавен хет-трик против тим никогаш немал толку цврста одбрана.

Младиот Велшанец се пробиваше како шило по левата страна и не успеаа да го сопрат дефанзивци од калибарот на Занети, Лусио, Маикон, Самуел и Киву.

Кој знае на колку скаути и агенти им светнале очите на Сан Сиро на тој 20 октомври 2010-та? Три години подоцна Реал плати повеќе пари за него отколку за Кристијано Роналдо.