Статистичарите од престижниот шпански дневен весник „Ел Паис" ги пребројале обидите од слободни удари на сите фудбалери од поголемите европски лиги и заклучиле дека најлош во оваа категорија е Кристијано Роналдо.
Тој извел дури 37 удари и ниту еднаш не ја погодил противничката мрежа.
Ниту неговиот ривал Лео Меси не заостанува многу. Тој постигнал само еден гол од 23 удари. Но во екипата на Барселона има и други изведувачи како Чави (два гола од 10 обиди), Дани Алвеш, Фабрегас и Иниеста, а во тимот на Реал Мадрид, Кристијано Роналдо е себичен и не дозволува неговите соиграчи да се доближат до топката при изведување на слободни удари.
Според статистиката, најдобар изведувач на слободни удари во Европа е Санти Казорла од Малага кој постигнал четири голови од 21 обид.
Втор на листата е Себастијан Ларсон од Сандерленд со три гола од 10 обиди, а по два гола имаат постигнато Чави, Руни, Педерсен, Бенат, Лоди и Миколи.
