Респектот на Џиџи Буфон кон химните

Легендарниот италијански голман на кој формата не му паѓа две децении, секоја недела прави по нешто со кое си ја засилува репутацијата и покажува каква величина од човек е.

Дека Буфон е најгласен кога се интонира химната на Италија тоа е познато, но тој знае најдобро да ги почитува и химните на противниците со што испраќа порака до публиката дека на химна не е културно да се свири.

Италија синоќа во Милано го пречека Светскиот шампион Германија на пријателски дуел, а откако публиката почна да ја свири гостинската химна Џиџи почна силно да аплаудира за да им даде поддршка на колегите.

Тоа не му е прв пат. Истото го направи и на средбата со Франција која се одигра во септември по што доби поддршка и од своите соиграчи.

За тој потег доби пофални зборови и од првиот човек на ФИФА.

„Импресиониран сум од тоа што откако некои идиоти почнаа да ја свират химната на Франција, Буфон почна да плеска, а потоа му се придружи цела репрезентација. Тоа е голема победа за цивилизацијата над неукоста и би сакал да му честитам на Буфон. Тој е пример за сите, изјави Џани Инфантино.

На дуелот против Германија Буфон стигна до 167 репрезентативни настапи и се израмни со Икер Касиљас кој беше рекордер по број на настапи во конкуренција на европските голмани.

Аплаузи доби и за гестот на квалификацискиот меч против Лихтенштајн на кој му даде автограм на навивач среде натпревар. Потег кој не го прави секој фудбалер.

16 ноември 2016 - 15:37

Штета ако сте пропуштиле

Двогласие

Кој е кој?

Брадата како православна одбрана од педерлаци

Логичен виц на денот