Од советски војник до милијардер газда на фудбалски клуб

На нет се врти една мошне интересна колоризирана фотографија, веројатно од средината на '80-те години од минатиот век. На неа е човекот синоним за богатство и газдинство.

Европскиот фудбал доживеа голема трансформација последните години. Еден од протагонистите на таа драстична промена во фудбалот е и човекот од сликава.

Веројатно некои веќе го препознаа - газдата на премиерлигашот Челси, Роман Абрамович (24. октомври 1966, Саратов, Русија), милијардер кој го купи Челси во 2003-та и од него направи трофеен гигант.

Меѓу стотици ѕвезди кои играа на „Стемфорд Бриџ“ за Челси под Абрамович беа Макелеле, Верон, Џон Тери, Дрогба, Фернандо Торес, Шевченко, Лампард и др.

Но потеклото на Абрамович е многу идентично како на кое било друго лице во Русија во епоха на '60-те и '70-те години. Роман како млад служел во Советската армија, а своето богатство го стекнува години подоцна. Според Форбс, неговото богатство го става магнатот меѓу Топ 10 најбогати луѓе на светот.