2013 Мајами Хит – Сан Антонио Спарс 4:3 (6 меч)
Во последниот напад од натпреварот при резултат 3:2 во финалната серија Реј Ален успеа да постигне тројка на 5 секунди до крајот и да се избори за продолженија, но тоа сепак не им ја донесе титулата. Спарси израмнија на 3:3, а Мајами стана шампион на седмиот решавачки меч.
2012 Мајами Хит - Оклахома Сити 4:1 (5 меч)
Откако загуби две финалиња, Леброн Џејмс конечно се искачи на врвот и тоа во голем стил. Петтиот и последен натпревар на кој ја освои првата шампионска титула го заврши со извонреден трипл-дабл учинок од 26 поени, 11 скока и 13 асистенции.
2010 Лос Анџелес Лејкерс – Бостон Селтикс 4:3 (7 меч)
Два поени предност и напад за Лејкерски на мајсторката против Бостон. Аутот го изведе Коби Брајант, а Словенецот Саша Вујачиќ искусно стигна до нови два поени кои им го донесоа пехарот.
2009 Лос Анџелес Лејкерс – Орландо Меџик 4:1 (1 меч)
Медиумите пишуваа дека Коби Брајант нема да освои ниту еден прстен без Шекил О`Нил, но погрешија. Финалната серија незапирливиот Брајант ја отвори со 40 поени, 8 скокови и 8 асистенции.
2006 Мајами Хит – Далас Маверикс 4:2 (5 меч)
Кошаркарите на Далас поведоа со 2:0 во финалната серија, но следуваше неверојатен кам бек и пресврт на Мајами кој стигне до титула со триумф на сите наредни четири меча. На неполни 2 секунди до крајот на петтиот меч Двејн Вејд ги погоди двете слободни фрлања за победа, а мечот го заврши со 43 поени, на многу контроверзи предизвика тајм аутот на Далас по изведеното прво слободно фрлање.
2005 Сан Антонио Спарс – Детроиот Пистонс 4:3 (7 меч)
Творец на триумфот кој значеше титула за Спарси беше Ману Џинобили кој од вкупно 23 поени, 11 постигна во последната четвртина.
2001 Лос Анџелес Лејкерс – Филаделфија 4:1 (1 меч)
Финалната серија стартуваше во Стејпл центар каде кошаркарите на Филадефлија приредија изненадување и поведоа со 1:0. Лидерот на гостите кои успеаа да стигнат до само еден триумф против Коби, Шек и дружината беше Ален Ајверсон кој имаше фантастична партија од 48 коша.
2000 Лос Анџелес Лејкерс – Индијана Пејсерс 4:2
Година во која започна победничката серија на Лејкерски предводени од Шек и Коби. НБА не памети таква доминација под кошевите на тешкиот центар уште од времето на Вилд Чемберлен. Финалната серија О`Нил во просек ја заврши со неверојатен учинок од 38 поени, 16,7 скока и 2,7 блокади со 61% реализација од поле.
1998 Јута Џез – Чикаго Булс 2:4 (6 меч)
Момент за историја поврзан со најдобриот кошаркар на сите времиња, Мајкл Џордан. Со тројката на Стоктон, Булси имаа -3 на 42 секунди до крајот, но тоа не претставуваше проблем да го анулира легендарната 23-ка. Потсетете се како „му ја скрши“ кичмата на Брајан Расел.
