На Валенсија и се падна седмица, ама среќа не ja прими Столе

Фудбалерите на Барселона конечно се разбудија во домашното првенство и со моќен настап го уништија противникот кој се бори за опстанок. До 100 гола стигнаа сезонава.

Каталонците ја прекинаа лошата серија од само една победа на последните 8 меча во Ла Лига и тоа со немилосрдни 7:1 против Валенсија, за која бранеше Мамардашвили.

Гостите беа поразени веќе во 24 минута од мечот кога на семафорот стоеше 4:0, а на полувреме беше 5:0.

Хуго Дуро намали во 59 минута, но следуваа нови два гола на домаќините. Во листата на стрелци се запишаа Френки де Јонг, Феран Торес, Рафиња, два пати Фермин Лопез, Левандовски и на крај автогол си постигна Тарега.

На овој меч Барса дојде до гол број 100 оваа сезона на сите натпреварувања, од кои 59 им се во првенство. Клупскиот рекорд го држи Пеп Гвардиола.

Барселона има 42 бода и е на -3 од Атлетико и -7 од Реал Мадрид. Атлетико имаше нов кикс викендов и одигра само 1:1 дома против Виљареал, а Реал со хет-трикот на Мбапе го совлада Ваљадолид на гости.

 

27 јануари 2025 - 08:48

Штета ако сте пропуштиле

Лагата за американската невиност

Вегетаријанштина

Роџер Вотерс ѝ одговори на Олена Зеленска

Калеш Анѓа на квиз