Со голот во 34 минута за 0:2, Килиан Мбапе синоќа стана првиот фудбалер кој успеа да постигне гол како тинејџер во Лига на шампиони за два различни клуба (Монако и ПСЖ).
Статистиката му извади уште нешто. Погодокот на Мбапе во најелитното клупско европско натпреварување му беше број 7 и со тоа го израмни рекордот на Патрик Клајверт.
Kylian Mbappé equals the record for most CL goals scored as a teenager (7), which was exclusively held by Patrick Kluivert. #UCL #CELPSG
— Gracenote Live (@GracenoteLive) September 12, 2017
1 - Kylian Mbappe is the first-ever player to score a Champions League goal as a teenager for two different clubs (Monaco & PSG). Wonderkid. pic.twitter.com/Z22y6OXEkN
— OptaJoe (@OptaJoe) September 12, 2017
Пофални зборови за него пристигнаа и од Луис Саха.
„За 18 годишник, тој едноставно е неверојатен. Зачуден сум од начинот на кој се движи и на кој ги разбира сопствените квалитети, како и контролата која ја има. Ова не е комплимент само од мене, бидејќи сите зборуваат за него. Да имаш такво темпо на игра и да знаеш како да го користиш е тешко, верувајте ми“.
„Нани на пример е еден од најсилните играчи кој ги имам видено, но него му недостига разбирање. Мбапе не е таков, тој разбира сè. Се наоѓа во шеснаесетник кога е потребно, знае како да игра по страна. прави шанси, нафрлува и шутира во вистинско време. Тој е неверојатен талент, а има само 18 години. Мислам дека и Тиери Анри на негова возраст не беше на тоа ниво“.
Реал Мадрид, Барселона, Ливерпул, Манчестер Сити и Арсенал беа поврзани со трансфер на Мбапе ова лето, но трката за него ја добија Парижаните.
Според истражувањето на CIES тие платија за него двојно повеќе од реалната вредност.
