Некои клубови заработуваат од произведување квалитетни млади играчи во своите фудбалски академии, а некои заработуваат од препродавање. Мајстори во препродавање на фудбалери и заработување на милиони од истите се Порто. Од 2002-та година па до денес тие имаат заработено 472 милиони евра од трансфери.
Фудбалскиот клуб Порто ја има можеби најдобрата мрежа на скаути, а посебно внимание обрнуваат на Јужна Америка, како и на помалите клубови од својата земја. Тие скоро и да не прават грешка и заработуваат огрома сума на секој играч кој што ќе го доведат во клубот.
Сисоко го купија од Виторија за само 264.000 евра и по 15 одиграни натпревари им го продадоа на француски Лион за 14 милиони евра. Пепе го купија од Маритимо за 2, а го продадоа во Реал Мадрид за 26 милиони, а Босингва од Боависта го купија за 1, а го продоа во Челси за 18 милиони евра.
И скаутите од странство одлично си ја завршија работата. Фалкао го доведоа за 4, а го продадоа за 41 милион евра, Андерсон го купија за 4, а го продадоа за 27, Лисандро пристигна за 2, а замина за 21, а последен е примерот со Хулк кој беше доведен за 16 милиони, а продаден во Зенит за 50 милиони евра.
