Веројатно најдобриот играч кој се појавил во светот на фудбалот продолжува со своите достигнувања кои го одржуваат на пиадесталот како нешто посебно за кое критичката спортска јавноста е веќе в недостиг на суперлативи.
Викендов Барселона го совлада Атлетико Мадрид во битката за титулата, а единствениот погодок на средбата беше дело на Лионел Меси од слободен удар, вкупни шести сезонава од таа позиција и трети по ред.
Најголемите три жртви на аргентинската машинерија во шпанското првенство се трите најголеми екипи. Против Севиља има постигнато 29 гола, против Атлетико 28 и против Реал 25.
Најголемите негови достигнувања низ бројки изгледаат вака:
747 - Вкупниот број на натпревари одиграни за клуб и репрезентација. Дебитираше на 16 октомври 2004-та како 17 годишен тинејџер на Барса и од тогаш за нив одигра 624 средби.
600 - Вкупен број на голови за клуб и репрезентација со просек од 0,8 по натпревар.
539 - Бројот на голови постигнати за Барселона
496 - Бројот на голови постигнати со неговата лева нога
493 - Бројот на голови кои ги има постигнато на шпанско тло.
491 - Иако игра брилијантно од 2006-та, сепак оваа декада е на многу повисоко ниво. 491 од тие 600 голови ги постигна од 2010-та година.
373 - Број на голови постигнати во Ла Лига на 409 натпревари.
246 - Со оглед на тоа што е и одличен плејмејкер, тој е и маестрален асистент. 149 од овие 246 асистенции му се во Ла Лига.
98 - Број на голови постигнати во Лига на шампиони на 122 мечеви.
97 - Број на стадиони во светот на кои постигнувал голови.
77 - Број на голови постигнати од пенал.
77 - Број на голови постигнати со десна нога.
61 - Број на голови постигнати за Аргентина
44 - Број на хет-трикови во кариерата
39 - Број на голови од слободен удар.
30 - Број на трофеи кои ги има освоено за Аргентина и Барселона.
24 - Број на голови од слободен удар во Ла Лига, кој инаку претставува апсолутен рекорд.
5 - Број на освоени Златни топки, исто колку што има и Кристијано Роналдо.
4 - Број на освоени Златни копачки, исто колку Кристијано Роналдо.
3 - На последните 3 средби во Ла Лига постигна 3 гола од слободен удар, а тоа му има успеано само два пати во кариерата.
Messi scored his 600th goal to beat Atletico and surely clinch La Liga for @FCBarcelona. If he were just a goal scorer it would be astonishing, but the fact he’s also the best dribbler I’ve ever seen and as good a passer as I’ve ever seen makes him the best I’ve ever seen. 🐐
— Gary Lineker (@GaryLineker) March 4, 2018
