Левандовски се најави на Камп Ноу со гол и две асистенции за 19 минути

Само 150 секунди игра во новата средина и беа потребни на полската гол машина, која веднаш почна да работи под полна работа на Камп Ноу. Навивачите на Барса имаа ноќ за уживање.

Како загревање за Рајо Ваљекано против кој ќе ја отворат новата сезона во Ла Лига следната сабота, Каталонците славеа со висок триумф од 6:0.

Повод беше трофејот „Жоан Гампер“, а демолираниот противник, мексиканскиот тим Пумас.

Навивачите на Барселона уживаа во воведните 20 минути од мечот во кои паднаа четири гола, а главни во шоуто беа Педри и Левандовски.

Пољакот го отвори резултатот уште по 3 минути игра, а за прекрасната асистенција му возврати на 19 годишниот шпански репрезентативец со две убави додавања во 5-та и 19-та минута.

Меѓу двата гола на Педри стрелаше Дембеле, а во вториот дел конечните 6:0 ги остварија Обамејанг и Френки де Јонг.