Коринтијанс ја запиша најславната страница во својата историја. Бразилскиот клуб е освојувач на Копа Либертадорес, јужноамериканската верзија на Лигата на шампиони.
Тие до трофејот дојдоа со победата од 2:0 на Бока Јуниорс откако пред една недела првиот дуел во Аргентина заврши со 1:1.
Како што и се очекуваше, натпреварот помина во напната атмосфера, а Емерсон дури и се обиде да му ја одгризе раката на Карузо.
Фудбалскиот Тајсон - Емерсон, беше јунак на натпреварот постигнувајќи ги двата гола во второто полувреме.
