Кое правило се активираше за поништениот гол на Еквадор?

Еквадор славеше 2:0 против домаќинот Катар на првиот меч на Мундијалот. Соиграчот на Алиоски од Фенербахче, Енер Валенсија постигна хет-трик, ама еден гол му беше оправдано поништен со ВАР. На социјалните мрежи се крена голема галама дека бил регуларен.

Спорниот момент кој на големо се коментира на првиот ден на Светското се случи по само 3 минути игра.

Во офсајд ситуација не се наоѓа стрелецот на голот Валенсија, туку фудбалерот со број 11 Мајкл Естрада.

Она што создава конфузија е замрзнатата слика на која се гледа дека играч на Катар стои зад голманот. На прва, ваквата ситуација сугерира дека ова е судиски грабеж, но не е така.

Последниот играч кој е зад голманот, се смета за голман и не влијае врз офсајд ситуацијата. Или уште појасно:

За да не биде офсајд, меѓу играчот на Еквадор и голот треба да има двајца играчи, или играч и голман. На фотографијата јасно се гледа дека нема двајца и затоа судиската одлука на Италијанците е исправна.

 
20 ноември 2022 - 21:15

Штета ако сте пропуштиле

Дали овој свет е навистина најдобриот од сите можни?

Секој за својот буџет

Како изгледа да си професор во Македонија низ gif-ови

Адолф од нашиот влез