Група А
Камерун - Хрватска 0:4
Олиќ 11` Перишиќ 48` Манџукиќ 61` 73`
Хрватите го најавија триумфот уште во 11 минута преку ветеранот Ивица Олиќ откако доби употреблива топка во шеснаесетникот од Перишиќ кој ја зголеми предноста на стартот од второто полувреме на 2:0.
Избраниците на Ковач тука не застанаа и со головите на Марио Манџукиќ, кој поради суспензија немаше право на настап против Бразил, ги поставија конечни 4:0 во 61 и 73 минута.
Камерунците делуваа многу нервозно на овој натпревар, а по негативата од 1:0 на пет минути пред крајот на првиот дел останаа без Алех Сонг кој неспортски го фаулираше Манџукиќ.
По последниот свиреж на судијата тензија имаше и помеѓу самите фудбалери на Камерун, а дел од првата физичка пресметка помеѓу играчи од ист тим на ова Светско беа Асу Екото и Муканџо кои се посрамотија пред јавноста.
Со овој триумф Хрватите се на третото место во групата со 3 бода, веднаш зад Бразил и Мексико кои имаат по еден бод повеќе. Клучната пресметка за пласман во осминафиналето ќе ја имаат Хрватска и Мексико, додеа домаќините се очекува лесно да се справат со африканската земја која е веќе елиминирана.
